முழு உல­கையே அச்­சு­றுத்திக்கொண்­டி­ருக்கும் கொரோனா வைரஸ் தாக்­கத்­தினால் இலங்­கையில் மக்கள் மத்­தியில் அச்சம் ஏற்­பட்டு  பிர­தான நக­ரங்கள் பலவும் சன நட­மாட்­டத்தை இழந்து வரு­கின்­றன. மக்கள் கூடும் இடங்கள் அனைத்­துமே முடங்கி ப்போயுள்ள நிலையே தலை­நகர் கொழும்பில் ஏற்­பட்­டுள்­ளது. இது­வ­ரையில் உல­க­ளா­விய ரீதியில் 123 நாடு­களில் கொரோனா வைரஸ் பர­வி­யுள்­ள­துடன் சுமார் 5 ஆயி­ரத்­திற்கும் அதி­க­மானோர் உயி­ரி­ழந்­துள்­ளனர். குறித்த வைரஸ் தாக்­கத்­தி­லி­ருந்து நாட்­டையும் மக்­க­ளையும் பாது­காப்­பதில் அனைத்து உலக நாடு­க­ளுமே முழு மூச்­சுடன் செயற்­பட்டு வரு­கின்­றன. பல நாடுகள் விமான நிலை­யங்­களை மூடி விட்­டுள்­ளன.

இவ்­வா­றான மக்கள் கூடும் இடங்­களை தற்­கா­லி­க­மாக மூடு­வது குறித்து அர­சாங்கம் நட­வ­டிக்கை எடுத்­துள்­ளது. இதன் முதற் கட்­ட­மாக பாட­சா­லைகள் மற்றும் பல்­க­லைக்­க­ழ­கங்கள் உள்­ளிட்ட அனைத்து கல்வி நிறு­வ­னங்­க­ளையும் அர­சாங்கம் ஏற்­க­னவே மூடி­விட்­டுள்­ளது. மறு­புறம் பொழு­து­போக்கு இடங்­க­ளாக கருதக் கூடிய திரை­ய­ரங்­குகள்  மற்றும் பூங்­காக்கள் போன்­ற­வற்­றையும்  அர­சாங்கம் மூடி­யுள்­ளது.

கொரோனா வைரஸ் தொற்­றுக்குள்­ளான புதிய நோயா­ளர்கள் இலங்­கையில் அடை­யாளம் காணப்­படும் பட்­சத்தில் முழு­மை­யான நட­வ­டிக்­கை­க­ளுக்கு செல்­வ­தற்கு அர­சாங்கம் நட­வ­டிக்கை எடுத்­துள்­ளது. எவ்­வா­றா­யினும் நாட்டிலுள்ள அனைத்து பாட­சா­லை­களும் கடந்த வியா­ழக்­கி­ழமை திடீ­ரென மூடு­வ­தற்கு தீர்­மா­னித்­த­தை­ய­டுத்து மக்கள் மத்­தியில் அச்­ச­நிலை அதி­க­ரித்­துள்­ளது.

இந்­நி­லையில் தலை­நகர் கொழும்பு உள்­ளிட்ட ஏனைய நகர்ப்­பு­றங்­களில் மக்கள் நட­மாட்டம் கணி­ச­மான அளவு குறைந்­தி­ருப்­பதை அவ­தா­னிக்கக் கூடி­ய­தாக உள்­ளது. சனி மற்றும் ஞாயிற்­றுக்­கி­ழ­மை­களில் கொழும்பை அண்­டிய பகு­தி­களில் வார இறுதி நாட்­களில் பொதுமக்கள் பெரு­ம­ளவில் நட­மாடக்கூடிய பூங்கா, காலி­மு­கத்­திடல் மற்றும் ஏனைய பிர­ப­ல­மான இடங்­களில் மக்கள் நட­மாட்டம் குறை­வா­கவே காணப்­பட்­டது.

இந்­நி­லை­வ­ரத்தை பற்றி ஆப­ரண விற்­பனை நிலைய உரி­மை­யாளர் ஒரு­வ­ரிடம் வின­விய போது:

'வழக்­க­மாக வார இறுதி நாட்­க­ளி­லேயே பொது மக்கள் அதி­க­ளவு கொள்­வ­னவில் ஈடு­ப­டுவர். எனினும் கொரோனா வைரஸ் கார­ண­மாக ஏற்­பட்­டி­ருக்கும் அச்­சத்­தினால் வாடிக்­கை­யா­ளர்­களின் வரவு மிகவும் குறைந்தே காணப்­ப­டு­கி­றது. கடந்த காலங்­களில் தங்­கத்தின் விலை வீழ்ச்சி ஏற்­படும் சந்­தர்ப்­பங்­களின்போது மக்கள் விரை­வாக கொள்­வ­னவு செய்­வதில் ஆர்வம் காண்­பித்­தனர். எனினும் இன்று சுகா­தார நெருக்­க­டி­யினால் தங்­கத்தின் விலையில் வீழ்ச்சி ஏற்­பட்டும் மக்கள் அதிக நட­மாட்டம் உள்ள இடங்­க­ளுக்கு செல்ல அஞ்சும் நிலைக்கு தள்­ளப்­பட்­டுள்­ளனர். மக்­களின் பதற்ற நிலையை சில வியா­பா­ரிகள் பயன்­ப­டுத்­து­வ­தாக கரு­து­கிறேன். வைரஸ் தொற்று தடுப்­புக்­கான முன்­னெச்­ச­ரிக்கை நட­வ­டிக்­கை­களை எனது விற்­பனை நிலை­யத்தில் சக ஊழி­யர்­களின் ஒத்­து­ழைப்­போடு முன்­னெ­டுத்­துள்ளேன்'என்றார்.

ஒரு வியா­பா­ரியின் கருத்தை கேட்­ட­றிந்த போது:

'உல­க­ளா­விய ரீதியில் கொரோனா தொடர்­பான அச்சம் ஏற்­பட்ட நாளிலிருந்தே வாடிக்­கை­யா­ளர்­களின் வரவு குறைந்தே காணப்­பட்­டது. இலங்­கையில் கொரோ­னாவால் பாதிக்­கப்­பட்ட முத­லா­வது நபர் இனங்­கா­ணப்­பட்ட பின்னர் வியா­பா­ரத்தில் பெரும் வீழ்ச்­சியே ஏற்­பட்­டுள்­ளது. இது­வரை காலமும் எனது வியா­பா­ரத்தில் கிடைக்­கப்­பெற்ற இலா­பத்தில் இப்­போ­தைய நிலை­மை­யுடன் ஒப்­பிடும்போது இலாப வரு­மானம் பூச்­சி­ய­மா­கவே உள்­ளது. வெளி­நாட்டு வாடிக்­கை­யா­ளர்கள் வரும் சந்­தர்ப்­பங்­களில் அவர்­க­ளுக்கு தேவை­யான கை தூய்­மை­யாக்கி போன்­ற­வற்றை வழங்கி முன்­னெச்­ச­ரிக்கை நட­வ­டிக்­கை­களை மேற்­கொண்­டுள்ளேன். அரசாங்கம் பாடசாலை விடுமுறையை மாணவர்களுக்கு வழங்கியது மேலும்  மக்கள் மத்தியில் அதிகளவான அச்சத்தை ஏற்படுத்தியுள்ளது. இதனாலேயே மக்கள் நடமாட்டம் குறைந்துள்ளது' என தெரிவித்தார்.

இலங்கையில் கொரோனா பரவல் அதிதீவிர நிலையை எட்டியிராவிட்டாலும் மக்கள் மத்தியில் ஏற்பட்டிருக்கும் அச்சம் காரணமாக அவர்கள் பொது இடங்களில் நடமாடுவதை குறைத்துக் கொண்டுள்ளமை குறிப்பிடத்தக்கது.