தவறவிடாதீர்கள்..!உடனே பதிவு செய்யுங்கள்

முன்னாள் அமைச்சர் சம்பிக்க ரணவக்கவுக்கு விதிக்கப்பட்ட வெளிநாட்டு பயணத் தடையை தற்காலிகமாக நீக்கி, கொழும்பு மேல­திக நீதிவான் காஞ்­சனா நெரஞ்­சனா டி  சில்வா இன்று உத்தரவிட்டுள்ளார்.

அதன்படி சம்பிக ரணவக்கவுக்கான வெளிநாட்டுப் பயணத் தடை எதிர்வரும் ஏப்ரல் 26 முதல் மே மாதம் 12 ஆம் திகதி வரை நீக்கப்பட்டுள்ளது.

2016 ஆம் ஆண்டு சந்தீப் என்ற இளைஞன் விபத்­துக்­குள்­ளான விவ­காரத்தில் தனது அதி­கா­ரத்தை பயன்­ப­டுத்தி சார­தியை மாற்றி, உண்மையை மறைத்து சாட்­சி­யங்­களை சோடித்து  நீதித்துறைக்கு மோசடி செய்­தமை தொடர்­பி­லான குற்­றச்சாட்டில்  கைதாகி  விளக்­கம­றி­யலில் வைக்­கப்­பட்­டி­ருந்த முன்னாள் அமைச்சர் பாட்­டலி சம்பிக்க ரண­வக்க  பிணையில் செல்ல கடந்த டிசம்பர் மாத இறுதிப் பகுதியில் கொழும்பு நீதிவான் நீதி­மன்றம் அனுமதித்தது. 

25 ஆயிரம் ரூபா பெறு­ம­தி­யான ரொக்கப் பிணை­யிலும் , 5 இலட்சம் ரூபா பெறு­ம­தி­யான இரு சரீர பிணை­க­ளிலும் செல்ல கொழும்பு மேல­திக நீதிவான் காஞ்­சனா நெரஞ்­சனா டி  சில்வா  இந்த உத்­த­ரவை பிறப்பித்ததுடன், அவருக்கு வெளிநாட்டுப் பயணித் தடையும் விதிக்கப்பட்டிருந்தமை குறிப்பிடத்தக்கது.