தவறவிடாதீர்கள்..!உடனே பதிவு செய்யுங்கள்

வெலிக்கடை சிறைச்சாலைகளில் ஏற்பட்டிருக்கும் நெருக்கடிகளுக்கு தீர்வாக ஹோமாக, வட்டரக்க பகுதியில் சிறைச்சாலை வளாகமொன்றை நிர்மாணிக்க அரசாங்கம் அனுமதி அளித்துள்ளதாக சிறைச்சாலை ஆணையாளர் டி.எம்.ஜே.டபிள்யூ. தென்னகோன் தெரிவித்தார்.

ஜனாதிபதி கோத்தாபய ராஜபக்ஷவின் வெலிக்கடை விஜயத்தை மையமாக கொண்டு இந்த தீர்மானம் எடுக்கப்பட்டுள்ளது.

வட்டரக்கவில் தற்போதுள்ள திறந்த வெளி சிறைச்சாலையானது 38 ஏக்கர் பரப்பளவை உடையதாகவும், இது விரிவாக்கத்திற்கான போதுமான இடத்தை கொண்டுள்ளதாகவும் சிறைச்சாலை ஆணையாளர் மேலும் தெரிவித்தார்.

வெலிக்கடை சிறைச்சாலையில் 10,000 கைதிகளை மாத்திரம் தடுத்து வைத்திருக்க முடியும் என்றபோதிலும் தற்போது அங்கு 26,000 கைதிகள் தடுத்து வைக்கப்பட்டுள்ளமை குறிப்பிடத்தக்கது.