தவறவிடாதீர்கள்..!உடனே பதிவு செய்யுங்கள்

வென்னப்புவ பொலிஸ் பிரிவுக்கு உட்பட்ட தோப்புவ - தங்கொட்டுவ வீதியில் நேற்று திங்கட்கிழமை இரவு 8 மணியளவில் இடம்பெற்ற வீதி விபத்துச் சம்பவத்தில் பெண்ணொருவர் உயிரிழந்துள்ளார்.

வாய்க்கால், தம்பரவில பகுதியைச் சேர்ந்த 59 வயதுடைய பெண்ணொருவரே இவ்வாறு உயிரிழந்துள்ளதாக பொலிஸார் தெரிவித்தனர்.

தங்கொட்டுவ பகுதியிலிருந்து சென்ற லொறியொன்று வீதியில் நடந்து சென்ற பெண்ணொருவர் மீது மோதியதியே குறித்த விபத்துச் சம்பவம் இடம்பெற்றுள்ளது.

இந்நிலையில், அங்கிருந்தவர்கள் குறித்த பெண்ணை உடனடியாக தங்கொட்டுவ வைத்தியசாலையில் அனுமதிக்கப்பட்ட போதிலும் அவர் அங்குச் சிகிச்சை பலனின்றி உயிரிழந்துள்ளார்.

குறித்த விபத்துடன் தொடர்புடைய பொறியின் சாரதி பொலிஸாரினால் கைது செய்யப்பட்டுள்ளார்.

அத்துடன்,  சம்பவம் தொடர்பான மேலதிக விசாரணைகளை வென்னப்புவ பொலிஸார் மேற்கொண்டு வருகின்றனர்.