தவறவிடாதீர்கள்..!உடனே பதிவு செய்யுங்கள்

தமிழ்த் தேசியக் கூட்­ட­மைப்­பையே தமிழ் மக்கள் பலப்­ப­டுத்­து­வார்கள் என்ற திட­மான நம்­பிக்கை உள்­ள­தாகத் தெரி­வித்­துள்ள தமி­ழ­ரசுக் கட்­சியின் மூத்த துணைத் தலை­வரும் முன்னாள் வடக்கு மாகாண சபையின் அவைத் தலை­வ­ரு­மான சி.வி.கே.சிவ­ஞானம், உதி­ரி­க­ளுக்கு வாக்­க­ளித்து வர­லாற்றுத் தவறை இழைக்கக் கூடாது எனத் தெரி­வித்தார்.

தேர்தல் நிலை­மைகள் தொடர்பில் கருத்துத் தெரி­விக்­கை­யி­லேயே அவர் இதனைத் தெரி­வித்தார்.

அவர் மேலும் தெரி­விக்­கையில்,

அடுத்த பாரா­ளு­மன்றத் தேர்தல் என்­பது ஒரு சவால் மிக்க தேர்­த­லாக இருக்கும். ஏனென்றால் எங்­க­ளோடு இருந்த எல்­லோரும் பிரிந்து நின்று கூறு கூறாக தேர்­தல்­களில் பங்­கு­பற்­று­கின்­றார்கள். ஒரு கூட்­ட­மைப்பு அல்­லது கூட்டு ஏற்­ப­டுத்­தப்­படும் அல்­லது ஏற்­ப­டுத்த முயற்சி முன்­னெ­டுக்­கப்­ப­டு­கி­றது.

ஆகவே தேர்தல் சவா­லாக இருக்­கு­மென்­பது உண்மை. ஆனால் இறு­தி­யாக தேர்­தல்­களில் பல அணிகள் உதி­ரி­க­ளாகப் போட்­டி­யிட்­டாலும் அவற்­றை­யெல்லாம் நிரா­க­ரித்து மக்கள் தமிழ்த் தேசிய கூட்­ட­மைப்பை தெரிவு செய்­வார்கள். ஒட்­டு­மொத்­த­மாக கூட்­ட­மைப்பை தெரிவு செய்ய வேண்­டிய தேவையும் இருக்­கி­றது. ஏனென்றால் சில்­ல­றை­யாக, உதி­ரி­க­ளாக பாரா­ளு­மன்­றத்­திற்குச் சென்று சாதிக்க முடி­யாது. ஒரு பல­மாக நிற்க வேண்டும்.

நான் ஏற்­க­னவே சொன்­னது போல ஒரு தலை­மையின் கீழ் நிற்க வேண்டும். அந்தத் தலை­மைக்கு கட்­டுப்­பட்­ட­வர்­க­ளாக இருக்க வேண்டும். சுய­நலம் கொண்­ட­வர்கள் ஓரிடத்துக்குப் போனால் நாங்கள் இன்னும் சில வியா­ழேந்­தி­ரன்­களை உரு­வாக்க முடியும்.

ஆகவே அதைத் தவிர்ப்­பது என்றால் கூட்­ட­மைப்பை முழு­மை­யான ஒரு தலை­மைத்­துவம் கொண்ட அமைப்­பாக, கட்­சி­யாக மக்கள் தேர்ந்­தெ­டுப்­பார்கள்.  பல­கால வர­லாற்றில் அதுவே நடந்­தி­ருக்­கி­றது. அதையே மக்கள் செய்­வார்கள் என்று நம்­பு­கின்றேன்.

ஆகவே தேர்தல் நாள் வரைக்கும் பெரிய சவா­லாக இருக்­கின்ற விடயம். தேர்­த­லன்று மாறி மக்கள் கூட்­ட­மைப்பை நிச்­ச­ய­மாக ஆத­ரிப்­பார்கள் என்ற திட­மான நம்­பிக்கை எனக்­குண்டு.

மேலும் ஈ.பி.டி.பி.யைத் தவிர ஏனைய அனை­வரும் எங்­க­ளிடம் இருந்து போன­வர்கள் தான். ஆன­ப­டியால் கூட்­ட­மைப்­புக்கு கிடைத்த வாக்­கு­களை அவர்கள் பிரித்­தி­ருந்தால் உடைத்துக் கொள்­வார்கள் என்­பது உண்மை. ஆனால் எந்­த­வ­கை­யிலும் ஒரு தாக்­கத்தை எங்­க­ளுக்கு எற்­ப­டுத்தக் கூடிய கூட்­ட­ணி­யாக அல்­லது எதி­ர­ணி­யாக அது அமை­யாது.

இப்­பொ­ழுது அவ்­வா­றான எதி­ர­ணிகள் என்­றெல்லாம் பேச்­சுகள் இடம்­பெ­று­வது இயல்பு. ஆனால் தேர்தல் நாள் முடிவில் மக்கள் எங்கள் பக்கம் தான் நிற்­பார்கள். எல்லாக் காலத்­திலும் வர­லாறு அப்­படித் தான் சொல்­லி­யி­ருக்­கி­றது.

குறிப்­பாக 2004 தேர்­தலில் எந்­த­ள­வுக்கு வெற்றி பெற்றோம். எத்­தனை இலட்­ச­மாக வாக்­கு­களைப் பெற்று வெற்றி பெற்­ற­வர்கள் எல்லாம் அதன் பின் வெளி­யேறி என்­னத்தைப் பெற்­றார்கள்? மக்கள் என்ன தீர்ப்பு வழங்­கி­னார்கள் என்று பார்க்க வேண்டும். அந்த மாதி­ரி­யான ஒரு நிலை இந்தத் தேர்­த­லிலும் ஏற்­படும்.

இதே வேளை கூட்­ட­மைப்பிலிருந்து போன­வர்கள் திரும்பி வரலாம். அதற்­கான வாய்ப்பு இருக்­கி­றது என்று நான் கூட சொல்­லி­யி­ருந்தேன். ஆனால் என்னைப் பொறுத்­த­வ­ரையில் அவ்­வா­றாக வரு­வ­தற்­கான சூழல் ஏற்­ப­டு­மென்று நான் எதிர்­பார்க்­க­வில்லை. ஆகவே உதி­ரி­க­ளாக போட்டி போடு­கின்ற நிலைமை தான் ஏற்­ப­டு­மென்று நான் நம்­பு­கின்றேன்.

அவ்­வாறு உதி­ரி­க­ளாக போட்­டி­யிட்டால் மக்கள் தங்­க­ளது தீர்ப்பை மிகத் தெளி­வாக பல­மாக இருந்து பேசக் கூடிய, செயற்­படக் கூடிய ஒரு கட்­ட­மைப்­பாக கூட்­ட­மைப்பு தொடர்ந்து இருக்­கின்ற கார­ணத்­தினால் இன்­னு­மொரு பரீட்­சார்த்­தங்­க­ளுக்குப் போகாமல் இன்­னொ­ரு­வரை நம்பி ஏமா­று­கின்ற நிலைக்கு போகாமல் கூட்­ட­மைப்பை ஆத­ரிக்க வேண்­டு­மென்­பது தான் என்­னு­டைய நிலைப்­பாடு.

மக்கள் நலன் சார்ந்து, தேசிய நலன் சார்ந்து, தமிழ் தேசிய இனம் சார்ந்து கூட்­ட­மைப்பு என்ற கட்­ட­மைப்பு பல­மாக இருக்க வேண்டும். அதற்­கான ஆத­ரவை மக்கள் தர வேண்டும். ஆகவே விருப்­ப­ மில்­லா­த­வர்கள் யாராவது இருந்தால் அவர்களைத் தவிர்த்து ஏனையவர்களைத் தெரியு செய்யுங்கள் .

எதற்காகவும் கட்சியைக் கைவிடாமல் கட்சிக்கு வாக்களியுங்கள். கட்சியை ஆதரிக்க வேண்டிய தேவை மக்களுக்கு இருக்கிறது. அதனை மக்கள் நிச்சயமாக செய்வார்கள் என்பது என்னுடைய வர லாற்று அனுபவத்தில் பார்த்திருக்கிறேன். அவ்வாறே செய்வார்கள் என்று நான் திட மாக நம்புகிறேன் என்றார்.