தவறவிடாதீர்கள்..!உடனே பதிவு செய்யுங்கள்

மகாத்மா  காந்தியின் நினைவு நாளை முன்னிட்டு,  டெல்லியிலுள்ள அவரது நினைவிடத்தில் இந்திய அரசியல் தலைவர்கள் பலர் மரியாதை செலுத்தியுள்ளார்கள். 

தேசத் தந்தை மகாத்மா காந்தியின் 72ஆவது நினைவு தினம் இன்று வியாழக்கிழமை அனுஷ்டிக்கப்படுகிறது.

இதனை முன்னிட்டு   டெல்லி, ராஜ்காட்டிலுள்ள  காந்தியின் நினைவிடம் மலர்களால் அலங்கரிக்கப்பட்டு  மரியாதை செலுத்தப்படுகிறது.

அந்தகையில் பிரதமர் நரேந்திர மோடி, இந்திய ஜனாதிபதி ராம்நாத் கோவிந்த் உள்ளிட்ட தலைவர்கள் அவரது நினைவிடத்தில் மரியாதை செலுத்தி வருகின்றனர்.

அதேபோல் காங்கிரஸ் தலைவரான  சோனியா காந்தி,  இந்திய முன்னாள் பிரதமர் மன்மோகன் சிங்,  முப்படைகளின் தலைமை தளபதி பிபின் ராவத்,  இராணுவ தளபதி நரவனே,  கடற்படை தளபதி கரம்பீர் சிங்,  விமானப்படை தளபதி பதூரியா,  மற்றும் பல்வேறு அரசியல் கட்சிகளின் தலைவர்கள்,  மகாத்மா காந்தி நினைவிடத்திற்கு வந்து மரியாதை செலுத்தியுள்ளனர்.

விடுதலைக்காக பாடுபட்டு உயிர்த் தியாகம் செய்த சுதந்திர போராட்ட வீரர்களுக்கு அஞ்சலி செலுத்தும் வகையிலும், அவர்களது தியாகத்தை நினைவுகூர்ந்து போற்றும் வகையிலும்,  காந்தி நினைவு தினம் தியாகிகள் தினமாக அனுஷ்டிக்கப்படுகின்றமை குறிப்பிடத்தக்கது.