தவறவிடாதீர்கள்..!உடனே பதிவு செய்யுங்கள்

பாக்கிஸ்தானின் லாகூரில், எரிவாயு சிலிண்டர்  வெடித்ததில் 11 பேர் உயிரிழந்ததுடன் பலர் காயமடைந்துள்ளதாக அந்நாட்டு ஊடகங்கள் செய்தி வெளியிட்டுள்ளன.

வாசனை திரவியம் தயாரிக்கும் சிறிய தொழிற்சாலை ஒன்றில் நேற்றையதினம் (28) குறித்த எரிவாயு சிலிண்டர்  வெடிப்பு இடம்பெற்றுள்ளது.  இந்த விபத்தில் தொழிற்சாலையில் வேளை செய்து கொண்டிருந்த 11 தொழிலாளர்கள் உயிரிழந்துள்ளதுடன் பலர் காயமடைந்தனர் என்று பாகிஸ்தான் அதிகாரிகள் தெரிவித்துள்ளனர். 

காயமடைந்தவர்கள் வைத்திய சாலையில் அனுமதிக்கப்பட்டுள்ளனர். அவர்களில் ஒருவரின்  நிலை கவலைக்கிடமாக இருப்பதாக வைத்தியசாலை அதிகாரிகள் தெரிவித்துள்ளனர்.

பாரிய சத்ததுடன் ஏற்பட்ட வெடிப்பையடுத்து தொழிற்சாலையின் கூரை தீப்பிடித்து எரிந்ததுள்ளதுடன் அது அருகிலுள்ள வீடுகளையும் சேதப்படுத்தியுள்ளது. சம்பவஇடத்துக்கு விரைந்த தீயணைப்பு வீரர்கள் தீயை கட்டுபாட்டுக்குள் கொண்டுவந்துள்ளனர். 

வெடிப்பு குறித்து மேலதிக விசாரணைகளை  பொலிஸார் மேற்கொண்டுள்ளனர்.