மெல்போர்னில் இடம்பெற்று வரும் அவுஸ்திரேலிய பகிரங்க டென்னிஸ் தொடரின் ஒற்றையர் பிரிவில் ஸ்பெயின் வீரர் ரபெல் நடால், ருமேனியா வீராங்கனை சிமோனா ஹாலெப் ஆகியோர் காலிறுதிக்கு முன்னேறியுள்ளனர்.
அவுஸ்திரேலிய பகிரங்க டென்ன்ஸ் தொடரில் 8 ஆவது நாளான நேற்று ஒற்றையர் பிரிவில் 4 ஆவது சுற்று ஆட்டங்கள் நடைபெற்றன.
ஆண்கள் பிரிவில் நடந்த ஆட்டம் ஒன்றில் நம்பர் ஒன் வீரரான ஸ்பெயினின் ரபெல் நடால் 6-3, 3-6, 7-6 (8-6), 7-6 (7-4) என்ற செட் கணக்கில் அவுஸ்திரேலியாவின் நிக் கைர்ஜியோஸ்சை வெளியேற்றி காலிறுதிக்கு தகுதி பெற்றார்.
கிராண்ட்ஸ்லாம் போட்டியில் நடால் காலிறுதிக்கு முன்னேறுவது இது 41 ஆவது முறையாகும்.
காலிறுதியில் ரபெல் நடால்-டொமினிக் திம் மோதுகிறார்கள்.
மற்றொரு ஆட்டத்தில் உலக தரவரிசையில் 5 ஆவது இடத்தில் இருக்கும் ஆஸ்திரியாவின் டொமினிக் திம், 10 ஆம் நிலை வீரரான பிரான்ஸின் கேல் மான்பில்சை எதிர்கொண்டார்.
இந்த ஆட்டத்தில் டொமினிக் திம் 6-2, 6-4, 6-4 என்ற நேர்செட்டில் கேல் மான்பில்சை தோற்கடித்து காலிறுதிக்கு முதல்முறையாக முன்னேறினார். .
மற்றொரு ஆட்டத்தில் முன்னாள் சாம்பியனான வாவ்ரிங்கா (சுவிட்சர்லாந்து) 6-2, 2-6, 4-6, 7-6 (7-2), 6-2 என்ற செட் கணக்கில் தரவரிசையில் 4 ஆவது இடத்தில் இருக்கும் ரஷ்ய வீரர் டேனில் மெட்விடேவை தோற்கடித்து காலிறுதிக்குள் நுழைந்தார்.
இன்னொரு ஆட்டத்தில் ஜெர்மனி வீரர் அலெக்சாண்டர் ஸ்வெரேவ் 6-4, 6-4, 6-4 என்ற நேர்செட்டில் ரஷியாவின் ஆந்த்ரே ருப்லெவை தோற்கடித்து காலிறுதிக்கு தகுதி அடைந்தார்.
காலிறுதியில் அலெக்சாண்டர் ஸ்வெரேவ், வாவ்ரிங்காவுடன் போட்டியிடவுள்ளார்.
இதேவேளை பெண்கள் ஒற்றையர் பிரிவில் விம்பிள்டன் சாம்பியனும், தரவரிசையில் 3 ஆவது இடத்தில் இருப்பவருமான சிமோனா ஹாலெப் (ருமேனியா) 6-4, 6-4 என்ற நேர்செட்டில் எலிஸ் மெர்டென்சை (பெல்ஜியம்) தோற்கடித்து காலிறுதிக்குள் அடியெடுத்து வைத்தார்.
இதேபோல் மற்றொரு ஆட்டத்தில் முன்னாள் நம்பர் வன் வீராங்கனையான கார்பின் முகுருஜா (ஸ்பெயின்) 6-3, 6-3 என்ற நேர்செட்டில் நெதர்லாந்து வீராங்கனை கிகி பெர்டென்சை வெளியேற்றி காலிறுதிக்குள் நுழைந்தார்.
இன்னொரு ஆட்டத்தில் எஸ்தோனியா வீராங்கனை அனெட் கோன்டாவெய்ட் 6-7 (4-7), 7-5, 7-5 என்ற செட் கணக்கில் 18 வயதான போலந்து வீராங்கனை இகா ஸ்விடேக்கை வீழ்த்தி முதல்முறையாக காலிறுதிக்கு முன்னேறினார்.
இதன் மூலம் ஆஸ்திரேலிய ஓபன் போட்டியில் காலிறுதியை எட்டிய முதல் எஸ்தோனியா வீராங்கனை என்ற பெருமையை அவர் பெற்றார்.
காலிறுதியில் கோன்டாவெய்ட், சிமோனா ஹாலெப்பை சந்திக்கிறார். மற்றொரு ஆட்டத்தில் தரவரிசையில் 30 ஆவது இடத்தில் இருக்கும் ரஷ்ய வீராங் கனை அனஸ்டசியா பாவ்லிசென்கோவா 6-7 (5-7), 7-6 (7-4), 6-2 என்ற செட் கணக்கில் சரிவில் இருந்து மீண்டு வந்து 18 ஆம் நிலை வீராங்கனையும், முன்னாள் சாம்பியனுமான ஏஞ்சலிக் கெர்பருக்கு (ஜெர்மனி) அதிர்ச்சி அளித்து 3 ஆவது முறையாக காலிறுதிக்கு தகுதி பெற்றார்.
காலிறுதியில் பாவ்லிசென்கோவா, கார்பின் முகுருஜாவை எதிர்கொள்ளவுள்ளமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM