பிரான்ஸில் பல்வேறு பகுதிகளில் ஏற்பட்டுள்ள கடும் வெள்ளப் பெருக்கினால் இதுவரை, 1,500 பேர் பாதுகாப்பான இடங்களுக்கு வெளியேறியுள்ளதாகச் சர்வதேச ஊடகங்கள் தகவலை வெளியிட்டுள்ளது. 

குறிப்பாக பைரனீஸ்- ஒறியன்டேல்ஸ், ஆடி, அரியேஜ் மற்றும் ஹாட் கரோனீ ஆகிய மாவட்டங்களுக்கு கடும் எச்சரிக்கை விடுக்கப்பட்டிருந்தது.

இந்த நிலையில் குறித்த மாவட்டங்களில் பலத்த வெள்ளப்பெருக்கு ஏற்பட்டு வீட்டுச் சுற்றுப்புறங்களில் வெள்ள நீர் புகுந்ததால், 1,500 பேர் பாதுகாப்பான இடங்களுக்கு வெளியேறியுள்ளனர்.

அத்தோடு, குறித்த வெள்ளப்பெருக்கினால், போக்குவரத்துக்கள் முற்றாகத் தடைப்பட்டுள்ளதோடு, 40,000 வீடுகளுக்கு மேல் மின்சாரத்தடையும் ஏற்பட்டுள்ளது.