தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

சட்ட விரோதமான முறையில் பல்வேறு காரணங்களுக்காக சேவையிலிருந்து விலகிச் சென்ற முப்படைகளின் அங்கத்தவர்களுக்கு மீண்டும் சரணடைவதற்கு 7 நாட்கள் கால அவகாசம் வழங்கப்பட்டுள்ளது. ஜனாதிபதி கோத்தாபய ராஜபக்ஷவின் பணிப்புரைக்கமைய இந்த நடவடிக்கை எடுக்கப்பட்டுள்ளது. 

அதற்கமைய எதிர்வரும் பெப்ரவரி 05 ஆம் திகதி முதல் 07 நாட்கள் கால அவகாசம் வழங்கப்பட்டுள்ளது. 

கடந்த வருடம் செப்டெம்பர் மாதம் 30 ஆம் திகதிக்கு முன்னர் சேவையிலிருந்து விலகிச் சென்ற முப்படையிருக்கே இவ்வாறு கால அவகாசம் வழங்கப்பட்டுள்ளது. 

இந்த காலத்திற்குள் சட்ட ரீதியாக படைகளிலிருந்து விலகிச் செல்லவோ அல்லது மீண்டும் முப்படைகளில் இணைந்து தமது நாட்டிற்காகவும் மக்களுக்காகவும் சேவையாற்றவோ இவர்களுக்கு சந்தர்ப்பம் அளிக்கப்படும் என்று ஜனாதிபதி செயலகம் தெரிவித்துள்ளது.