அயர்லாந்து அணிக்கெதிரான இரண்டாவது சர்வதேச ஒருநாள் போட்டியில் மேற்கிந்தியத் தீவுகள் அணி ஒரு விக்கெட்டால் இறுக்கமான வெற்றியை ஈட்டியது. மேற்கிந்தியத் தீவுகள் - மற்றும் அயர்லாந்து அணிகளுக்கு இடையிலான 2-ஆவது ஒருநாள் போட்டி பிரிட்ஜ் டவுனில் நடைபெற்றது.
முதலில் துடுப்பெடுத்தாடிய அயர்லாந்து 237 ஓட்டங்களை குவித்தது. 238 ஓட்டங்களை பெற்றால் வெற்றி என்ற இலக்குடன் மேற்கிந்தியத் தீவுகள் அணி களமிறங்கியது. முன்வரிசை வீரர்கள் சொற்ப ஓட்டங்களுடன் ஆட்டமிழக்க, மேற்கிந்தியத் தீவுகள் அணி 76 ஓட்டங்களுக்கு 3 விக்கெட்டுக்களை இழந்தது.
அதன்பின்னர் நிக்கலஸ் பூரன், பொல்லார்ட் அணியை சரிவிலிருந்து மீட்டனர். எனினும், மேற்கிந்தியத் தீவுகள் 9 விக்கெட்டுக்களை இழந்து 47.4 ஓவரில் 232 ஓட்டங்களை எடுத்திருந்தபோது கடைசி விக்கெட்டுக்காக வோல்ஸுடன் கொட்ரெல் ஜோடி சேர்ந்தார்.
கடைசி ஓவரில் ஐந்து ஓட்டங்கள் தேவைப்பட்ட நிலையில் முதல் இரண்டு பந்துகளில் ஒவ்வொரு ஓட்டங்கள் எடுக்கப்பட்டன. 3 மற்றும் 4 ஆவது பந்துகளில் கிடைத்த இரண்டு 'ரன்அவுட்' வாய்ப்புக்களையும் அயர்லாந்து அணியினர் தவற விட்டனர்.
ஐந்தாவது பந்தை எதிர்கொண்ட கொட்ரெல் சிக்ஸராக விளாச மேற்கிந்தியத் தீவுகள் 49.5 ஓவர்களில் 242 ஓட்டங்களை பெற்று ஒரு விக்கெட்டினால் வெற்றியீட்டியது.
11 ஆவது துடுப்பாட்ட வீரராக களமிறங்கிய கொட்ரெல் சிக்ஸர் அடித்து அணியை வெற்றிபெறச் செய்ததனால், 11 ஆவது வீரராக களமிறங்கிய வீரரொருவர் சிக்ஸர் அடித்து அணியை வெற்றி பெற வைப்பது சர்வதேச ஒருநாள் கிரிக்கெட் வரலாற்றில் இதுவே முதல் தடவையாகும் என்ற அரிய சாதனையையும் படைத்தார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM