இந்தோனேசியாவின் தலைநகர் ஜகார்த்தாவில் நிலவிய சீரற்ற காலநிலையை தொடர்ந்து வெள்ளத்தில் சிக்கி  உயிரிழந்தோரின் உண்ணிக்கை 30 ஆக உயர்ந்துள்ளதாக சர்வதேச செய்திகள் தெரிவிக்கின்றன.

அந்நாட்டில் பெய்த கடும் மழையால் மெகாலோபோலிஸின் பெரும் பகுதிகள் நீரில் மூழ்கியுள்ளன.

அத்தோடு நேற்றைய தினம் ஜகார்த்தா பகுதியில் ஏற்பட்ட வெள்ளம் காரணமாக அப்பகுதிக்கான மின்சாரம் தடைப்பட்டதோடு  சுமார் ஆயிரக்கணக்கான பொதுமக்கள் இருப்பிடத்தை விட்டு வெளியேறியுள்ளனர்.

அதேவேளை ரயில் சேவைகள் மற்றும் விமான சேவைகள் தற்காலிகமாக இடைநிறுத்தி வைக்கப்பட்டுள்ளது.

அதேவேளை நேற்றைய தினம் வெள்ளத்தில் சிக்கி 21 பேர் வரையில் உயிரிழந்து இருந்த நிலையிலேயே தற்போது வெள்ளத்தில் சிக்கி 30 பேர் வரை உயிரிழந்துள்ளதாக அந்நாட்டு செய்திகள் தெரிவித்துள்ளளமை குறிப்பிடத்தக்கது.