முல்லைத்தீவு கரைதுறைப்பற்று பிரதேச செயலக பிரிவிலுள்ள தண்ணிமுறிப்பு குளம்  உடைப்பெடுக்கும் நிலையிலுள்ளதால் வான் கதவுகள் திறக்கப்பட்டது.

இதனால் அப்பகுதியிலுள்ளவர்கள் அனர்த்தத்தில் சிக்கியுள்ளனர். அதில் சிலரை மீட்க முடியாத இக்கட்டான சூழலில் உள்ளனர்.

இவ் விடயம் தொடர்பாக மேலும் தெரியவருகையில்,

குறித்த பகுதிக்கு விவசாய நடவடிக்கையில் ஈடுபட்டிருந்த மக்கள் 11 பேர் வெள்ளத்தில் சிக்கியுள்ளனர்.

இருந்தும் அப்பகுதியிலுள்ளவர்களை மீட்பதற்காக  வருகை தந்த இராணுவமும், கடற்படையினரும், குமுழமுனை பொதுமக்களின் ஒத்துழைப்புடன் தற்போது மீட்பு பணியை மேற்கொள்ள  படகுமூலம் சென்று கொண்டிருக்கின்றனர்.

மேற்படி விடயத்தை அனர்த்த முகாமைத்துவ பிரிவும் சம்பந்தப்பட்ட அமைச்சும் கருத்திலெடுத்து  துரித பணியை மேற்கொள்ளுமாறு பொதுமக்கள் கேட்டுநிற்கின்றனர்.

கடந்த வருடமும் முல்லைத்தீவு நித்தகைகுளம் உடைப்பெடுத்தமையால் அப்பகுதி அனர்த்தத்தில் சிக்கியிருந்த மக்களை விமானத்தின் மூலம்  மீட்டிருந்தமை குறிப்பிடத்தக்கது.