ஐ.எஸ்.ஐ.எஸ். இயக்கத்தின் முன்னாள் தலைவர் அபுபக்கர் அல்-பாக்தாதியின் மறைவிடத்தை கண்டுபிடிப்பதற்கு பெரிதும் உதவி புரிந்த கோனன் என்ற நாய்க்கு அமெரிக்க ஜனாதிபதி டொல்ட் ட்ரம்ப் பதக்கம் அளித்து கெளரவித்துள்ளார்.

சிரியாவில் பதுங்கியிருந்த ஐ.எஸ். பயங்கரவாத இயக்க தலைவர் அபுபக்கர் அல்-பாக்தாதியை கடந்த மாதம் அமெரிக்க படைகள் கண்டுபிடித்து சுற்றி வளைத்தன.

தப்பிக்க வேறு வழியில்லாத நிலையில் அல் பாக்தாதி தனது உடலில் கட்டியிருந்த வெடிகுண்டுகளை வெடிக்க செய்து உயிரிழந்தார். இதன்போது அல் பாக்தாதியின் மறைவிடத்தை கண்டுபிடிப்பதில் அமெரிக்க ராணுவத்தின் மோப்பநாயான கோனன் முக்கிய பங்காற்றியது. 

அல் பாக்தாதியின் இருப்பிடத்தை மோப்பம் கண்டுபிடித்து, அவரை விரட்டி சென்றது. ஆனால் பாக்தாதி வெடிகுண்டை வெடிக்க செய்ததில் நாய் காயமடைந்தது.

இந்த நாயின் சேவையை வெகுவாக பாராட்டிய அமெரிக்க ஜனாதிபதி ட்ரம்ப், தனது டுவிட்டர் பக்கததில் அதன் புகைப்படத்தையும் வெளியிட்டிருந்தார்.

மோப்ப நாய் கோனனை வெகுவாக பாராட்டிய அமெரிக்க ஜனாதிபதி டிரம்ப், பாக்தாதியை விரட்டியடித்து தற்கொலை செய்ய தூண்டிய தீரமான நாய் இதுதான் என கூறி அதன் புகைப்படத்தை டுவிட்டரில் வெளியிட்டுள்ளார்.

இந்த நிலையில் குண்டு வெடிப்பு காயங்களில் இருந்து குணமடைந்த கோனை வெள்ளை மாளிகைக்கு வரவழைத்து டிரம்ப் பதக்கம் வழங்கி கெளரவித்துள்ளார்.

இதன்போது ஊடகவியலாளர்களிடம் கோனனை அறிமுகம் செய்து உரையாற்றிய ட்ரம்ப்,  இந்த மோப்ப நாயை, தான் நேசிப்பதாக தெரிவித்தார். மேலும் கோனன் உலகின் ஆகச்சிறந்த நாய்களுள் ஒன்றாக திகழ்வதாகவும், இது தமக்கு பெருமையளிப்பதாகவும் அவர் கூறினார்.