வெளிநாடுகளிலிருந்து வந்த இலங்கையர்களுக்கு நன்றி தெரிவித்தார் நாமல்

21 Nov, 2019 | 01:02 PM

வெளி நாடுகளில் இருந்து வந்து எமது வெற்றியில் பங்களிப்பு செய்த அனைத்து இலங்கையர்களுக்கும் விசேட நன்றியை தெரிவிக்கின்றேன் என்று ஐக்கிய மக்கள் சுதந்திர முன்னணியின் பாராளுமன்ற உறுப்பினர் நாமல் ராஜபக் ஷ தெ ரிவித்துள்ளார்.

இது தொடர்பில் நாமல் எம்.பி. தனது டுவிட்டர் தளத்தில் இட்டுள்ள பதிவிலேயே அவர் இதனை குறிப்பிட்டுள்ளார்.

“நாடுகளில் இருந்து இலங்கை வந்து ஜனாதிபதி தேர்தலில் வாக்களித்த அனைவருக்கும் எமது விசேட நன்றியை தெரிவிக்கின்றேன். உங்கள் அனைவரது ஒவ்வொரு வாக்கும் எமது வரலாற்று ரீதியான வெற்றியில் பங்களிப்பு செய்துள்ளது” என்று நாமல் ராஜபக் ஷ எம்.பி. தனது டுவிட்டர் தளத்தில் பதிவிட்டுள்ளார்.

நடந்து முடிந்த ஜனாதிபதி தேர்தலில் ஸ்ரீலங்கா பொதுஜன பெரமுன சார்பில் போட்டியிட்ட கோத்தபாய ராஜபக் ஷ அமோக வெற்றியீட்டியிருந்தார். இந்தத் தேர்தலில் வெளிநாடுகளில் பணிபுரியும் அதிகமான இலங்கையர்கள் வருகை தந்து வாக்களித்ததாக தெரிவிக்கப்பட்டுள்ளமை குறிப்பிடத்தக்கது.