ஜனாதிபதி தேர்தலை முன்னிட்டு எதிர்வரும் இரண்டு நாட்களுக்கு நாட்டில் உள்ள அனைத்து மதுபானசாலைகளும் மூடப்படும் என கலால் திணைக்களம் அறிவித்துள்ளது.

Related image

எதிர்வரும் 16 ஆம் திகதி இடம்பெறவுள்ள ஜனாதிபதி தேர்தலை முன்னிட்டு 16 ஆம் மற்றும் 17 ஆம் திகதிகளில் நாட்டில் உள்ள அனைத்து மதுபானசாலைகளும் மூடப்படும் என கலால் திணைக்களம் தெரிவித்துள்ளமை குறிப்பிடத்தக்கது.

இலங்கையின் எட்டாவது ஜனாதிபதி தேர்தல் நாளை நடைபெறவுள்ள நிலையில் பொதுமக்களின் பாதுகாப்பு கருத்தில் கொண்டே குறித்த இரு நாட்களும் நாடு பூராகவும் உள்ள சகல மதுபான நிலையங்களையும் மூடுமாறு மதுவரி திணைக்களம் அறிவித்துள்ளது. 

கட்சிகளின் ஆதரவாளர்கள் சிலவேளைகளில் குழப்ப நிலைமைகள் ஏற்படலாம் என்பதையும் அதேபோல் பொதுமக்கள் சிரமங்களை சந்திக்கக்கூடாது என்ற காரணிகளை கருத்தில் கொண்டு நாடளாவிய ரீதியில் சகல மதுபான சாலைகளையும் மூட இந்த தீர்மானம் எடுக்கப்பட்டுள்ளதாக மதுவரித் திணைக்களம் மேலும் தெரிவித்துள்ளது. 

அதேபோல் தற்போது பிரகடனப்படுத்தியுள்ள தேர்தல் அமைதி காலத்தினுள் தேர்தல் விதிமீறல்களில் ஈடுபடும் நபர்களுக்கு எதிராக சட்டம் கடுமையாக நடைமுறைப்படுத்தப்படும் என பொலிஸ் ஊடக பேச்சாளர் பொலிஸ் அத்தியட்சகர் ருவான் குணசேகரவும் தெரிவித்தார்.