தமிழ் பேசும் வேட்பாளருக்கு வாக்களிப்பதன் மூலமோ அல்லது தேர்தலை புறக்கணிப்பதன் மூலமோ கோத்தபாயவை தோற்கடித்து விட முடியாது.
அப்படி செய்தால் மறைமுகமாக கோத்தபாயவுக்கு வாக்களிப்பதற்கு சமனாகிவிடும் என யாழ். மாவட்ட பாராளுமன்ற உறுப்பினரும் தமிழ்த்தேசிய கூட்டமைப்பின் பேச்சாளரும் ஜனாதிபதி சட்டத்தரணியுமான எம்.ஏ. சுமந்திரன் தெரிவித்தார்.
அம்பாறை மாவட்டம் ஆலையடிவேம்பு கலாசார மண்டபத்தில் நேற்றுமுன்தினம் மாலை இடம்பெற்ற மாபெரும் தேர்தல் பிரசார கூட்டமொன்றில் கலந்து கொண்டு உரையாற்றும்போதே அவர் இவ்வாறு கூறினார்.
அம்பாறை மாவட்ட தமிழ்த்தேசிய கூட்டமைப்பு பாராளுமன்ற உறுப்பினர் கவீந்திரன் கோடீஸ்வரனின் ஏற்பாட்டில் இடம்பெற்ற இக்கூட்டத்துக்கு வருகைதந்த அவரை பெருந்திரளான மக்கள் ஒன்றிணைந்து வரவேற்றனர்.
அவர் தொடர்ந்தும் உரையாற்றுகையில்,
வெள்ளைவேன் கடத்தல் எனும் சொல் அனைவரும் அறிந்து புரிந்த ஒரு சொற்றொடராக மாறியுள்ளது. அந்த அளவுக்கு வெள்ளை வேனை பிரசித்தப்படுத்தியவர் கோத்தபாய ராஜபக் ஷ ஆவார்.
வெள்ளை வேன்களில் ஒன்றை செலுத்திய சாரதி கோத்தபாயவின் உத்தரவின் பேரிலே 300இற்கும் மேற்பட்டவர்களைக் கடத்தி முதலைகளுக்கு இரையாக கொடுத்தோம் என பகிரங்கமாக ஒப்புக்கொண்டுள்ளார்.
2005ஆம் ஆண்டு மஹிந்த ராஜபக் ஷ வெற்றி பெற்ற பின்னர் அமெரிக்காவில் இருந்து இறக்குமதி செய்யப்பட்டவரே இந்த கோத்தபாய ராஜபக் ஷ. இறக்குமதி செய்யப்பட்டவர் உடனடியாக பாதுகாப்பு செயலாளராக நியமிக்கப்பட்டார்.
அவ்வாறு நியமிக்கப்பட்ட போதிலும் அவர் இலங்கை பிரஜையாக இருக்கவில்லை. ஆனாலும் தான் இலங்கை பிரஜை என்பதற்குரிய ஆவணங்கள் இருப்பதாக சிலவற்றை காண்பித்தார்.
அந்த ஆவணங்கள் போலியானவை என குற்றப்புலனாய்வு துறை அறிக்கை ஒன்றை நீதிவான் நீதிமன்றில் சமர்ப்பித்தது. அந்த வழக்கை விசாரித்த உயர்நீதிமன்றம் அப்போது அதனை நிராகரித்து இருந்தாலும் போலியான ஆவணங்களை சமர்ப்பித்தே இதனை பெற்றாரா என்பதை அறியும் பொருட்டு குற்றவியல் வழக்கை தொடர்ந்து நடத்தலாம் என சொல்லியது.
இந்நிலையில் இவர் இலங்கை பிரஜையினை இரண்டாம்தரம் பெற்றாரா என்பது ஒரு கேள்விக்குறி. அமெரிக்க பிரஜாவுரிமையை உண்மையாகவே துறந்திருக்கின்றாரா என்பது இன்னுமொரு கேள்விக்குறி.
அப்படியான ஒருவரை நாம் தோற்கடிக்க வேண்டுமென்றால் செய்ய வேண்டியது ஒன்றேயொன்று மாத்திரமே. சிலர் சொல்வதுபோல் தமிழ் பேசும் வேட்பாளருக்கு வாக்களிப்பதன் மூலமோ அல்லது தேர்தலை புறக்கணிப்பதன் மூலமோ அது முடியாது. அப்படி செய்தால் மறைமுகமாக கோத்தபாயவுக்கு வாக்களிப்பதற்கு சமம்.
ஆகவே நீங்கள் அனைவரும் ஒன்றிணைந்து அன்னச் சின்னத்துக்கு நேரே ஒரு புள்ளடி இட்டு மூலம் பல வாக்குறுதிகளை வழங்கியிருக்கும் சஜித் பிரேமதாசவை வெற்றியடையச் செய்யுங்கள் சஜித் பிரேமதாசவை நீங்கள் ஜனாதிபதியாக மாற்றுங்கள். அவர் சொன்னவற்றை செய்ய வைக்கும் முழுப்பொறுப்பையும் நாங்கள் ஏற்றுக்கொள்கின்றோம் எனவும் சுட்டிக்காட்டினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM