தவறவிடாதீர்கள்..!உடனே பதிவு செய்யுங்கள்

26 வயதான மனநலம் பாதிக்கப்பட்ட பெண்ணை 23 வயது இளைஞரால் பாலியல் துஷ்பிரயோகத்திற்கு உட்படுத்தப்பட்ட சம்பவம் குறித்து முறையான விசாரணைகளை மேற்கொள்ளத் தவறியதற்காக ஹேமத்தகம பொலிஸ் நிலைய மூன்று பொலிஸ் அதிகாரிகள் பணி இடைநீக்கம்  செய்யப்பட்டுள்ளதாக பொலிஸார் தெரிவித்துள்ளனர்.

கேகாலையில் நேற்று முன்தினம் இடம்பெற்ற பொதுஜன பெமுனவின் தேர்தல் பேரணியில் கலந்து கொண்டு பஸ்ஸில் வீட்டிற்கு சென்று கொண்டிருந்த வேளை  பெண்ஒருவரை, எல்பிட்டிய தேவனாகலவில் வசிக்கும் 23 வயது நபர் மூன்று முறை பாலியல் துஷ்பிரயோகத்திற்கு உட்படுத்தியுள்ளார்.

இச்சம்பவம் தொடர்பாக சப்ரகமுவ மாகாணத்திற்கு பொறுப்பான மூத்த பிரதிப் பொலிஸ்மா அதிபரின் அறிவுறுத்தலின் படி ஆதாரங்களை கண்டுபிடிக்க தவறியதற்காக பிரதி  பொலிஸ்  அதிகாரி  மற்றும் இரண்டு பொலிஸ் அதிகாரிகள் ஆகியோர் பணி இடைநீக்கம் செய்யப்பட்டுள்ளனர்.

இந்நிலையில், பொலிஸார்  சந்தேகநபரை கைது செய்து விசாரணைகளை மேற்கொண்டு வருகின்றனர்.