தவறவிடாதீர்கள்..!உடனே பதிவு செய்யுங்கள்

கொழும்பு குற்றத்தடுப்பு பிரிவினருக்கு கிடைத்த தகவலுக்கு அமைய நேற்று காலை 10.30 மணியளவில் மீதொட்டமுல்ல பிரதேசத்தில் 2 கிராம் 100 மில்லிகிராம் ஹெரோயின் போதை பொருளை வைத்திருந்த  பெண் சந்தேக நபர் ஒருவர் கைது செய்யப்பட்டுள்ளதாக கொழும்பு குற்றத்தடுப்பு பிரிவினர் குறிப்பிட்டனர்.

வெல்லம்பிட்டிய பிரதேசத்தை சேர்ந்த 31 வயதுடைய மொஹமட் பாத்திமா என்ற சந்தேக நபரே இதன்போது கைது செய்யப்பட்டுள்ளார்.

சந்தேகநபர் தொடர்பான மேலதிக விசாரணைகளை கொழும்பு குற்றத்தடுப்பு பிரிவினர் மேற்கொண்டுவருகின்றனர்.

இதேவேளை, கல்கிஸ்ஸை பொலிசாருக்கு கிடைத்த தகவலுக்கு அமைய  2 கிராம் 50 மில்லிகிராம் மற்றும் 3 கிராம் 400 மில்லிகிராம் ஹெராயின் போதை பொருளை வைத்திருந்த பெண்கள் இருவர் கைது செய்யப்பட்டுள்ளதாக கல்கிஸ்ஸை பொலிசார் குறிப்பிட்டனர்.

படோவிட்ட பிரதேசத்தை சேர்ந்த 46 வயதுடைய சுசிலா நில்மினி, 30 வயதுடைய சாமலி தில்ருக்க்ஷி என்ற சந்தேகநபர்களே இதன்போது கைது செய்யப்பட்டுள்ளனர்.

சந்தேகநபர் தொடர்பான மேலதிக விசாரணைகளை  பொலிசார் மேற்கொண்டு வருகின்றனர்.