(தி.சோபிதன்)

ஜனாதிபதித் தேர்தல் பிரச்சார நடவடிக்கைகளுக்காக யாழ்ப்பாணத்திற்கு முன்னாள் ஜனாதிபதி மஹிந்த ராஜபக்ஷ மற்றும் பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷ ஆகியோர் செல்லவுள்ள நிலையில், அங்கு பொலிஸ் மற்றும் இராணுவத்தினர் குவிக்கப்பட்டு அதியுச்ச பாதுகாப்பு வழங்கப்பட்டிருக்கின்றது. 

யாழ்.மாவட்ட செயலகத்திற்கு அருகில் பிரச்சார நடவடிக்கைக்காக இன்று மதியம் மஹிந்த ராஜபக்ஷவும், ஜனாதிபதி வேட்பாளா் கோத்தாபய ராஜபக்ஷவும் யாழ்ப்பாணம் செல்லவுள்ளனர்.

இதற்காக யாழ்.நகரில் ஆயுதங்களுடன் இராணுவத்தினா் வீதிகளில் பாதுகாப்பு கட மையில் ஈடுபட்டிருப்பதுடன், பொலிஸாரும் உச்ச பாதுகாப்பை வழங்கி வருகின்றனர்.

மேலும் பல வீதிகள் மூடப்பட்டு உச்ச பாதுகாப்பு வழங்கப்பட்டுள்ளமை குறிப்பிடத்தக்கது.