தவறவிடாதீர்கள்..!உடனே பதிவு செய்யுங்கள்

பாக்கிஸ்தானின் டெஸ்ட் அணித்தலைவர் மற்றும் ரி 20 அணித்தலைவர் பதவியிலிருந்தும் அணியிலிருந்தும்  சர்பராஸ் அகமட்டை நீக்கியுள்ளதாக பாக்கிஸ்தானின் தெரிவுக்குழுவினர் அறிவித்துள்ளனர்.

 அவுஸ்திரேலியாவிற்கு சுற்றுப்பயணம் மேற்கொள்ளவுள்ள பாக்கிஸ்தான் டெஸ்ட் அணிக்கு அசார் அலி தலைமை தாங்குவார் என தெரிவுக்குழுவினர் அறிவித்துள்ளனர்.

 ரி2அணிக்கு பாபர் அசாம் தலைமை தாங்குவார் எனவும் தெரிவுக்குழுவினர் அறிவித்துள்ளனர்.சமீப காலங்களில் டெஸ்ட் போட்டிகளில் பாக்கிஸ்தான் சந்தித்த மோசமான தோல்விகளை தொடர்ந்தே தெரிவுக்குழுவினர் இந்த முடிவை அறிவித்துள்ளனர்.

ஐசிசி டெஸ்ட் தரவரிசையில் பாக்கிஸ்தான் ஏழாம் இடத்தில் உள்ளமை குறிப்பிடத்தக்கது.இதேவேளை சமீபத்தில் இலங்கைக்கு எதிரான ரி20 போட்டிகளில் பாக்கிஸ்தான் படுதோல்வியடைந்ததும் தெரிவுக்குழுவின் இந்த முடிவிற்கு காரணமாக அமைந்துள்ளது.

அணித்தலைவராகவும் வீரராகவும் சிறப்பாக விளையாடியுள்ள  சர்பராஸ்அகமட்டை தலைமை பொறுப்பிலிருந்து நீக்கும் முடிவு கடினமாவொன்று என பாக்கிஸ்தான் தெரிவுக்குழுவின் தலைவர் இசான் மனி தெரிவித்துள்ளார்.

ஆனால் சமீபத்தில் அவர் சிறப்பாக விளையாடவில்லை அவரது தன்னம்பிக்கையும் குறைவடைந்து காணப்பட்டது, என மேலும் தெரிவித்துள்ள அவர் அணியின் நலனை  கருத்தில்கொண்டு சர்பராஸ்அகமட்டை தலைமை பதவியிலிருந்து நீக்க தீர்மானித்தோம் எனவும் குறிப்பிட்டுள்ளார்.

அவர் மீண்டும் சிறப்பாக சர்வதேச போட்டிகளில் விளையாடும் நிலையை எட்டுவதற்கான வாய்ப்பை வழங்கும் நோக்கிலும் இந்த முடிவை எடுத்துள்ளோம் அவர் மீண்டும் திரும்பி வருவார் எனவும் இசான் மனி தெரிவித்துள்ளார்