அரச பொது நிர்­வாக சேவை ஆட்­சேர்ப்பு போட்டிப் பரீட்­சைக்குத் தோற்­ற­வுள்ள பரீட்­சார்த்­தி­க­ளுக்கு உதவும் வகையில் மலை­யகக் கல்வி அபி­வி­ருத்தி மன்­றமும், வீர­கே­சரி நிறு­வ­னமும் இணைந்து இல­வச வதி­விட பயிற்சிப் பட்­ட­றையை நடத்­த­வுள்­ளன.

நாளை வெள்ளி 18 ஆம், 19 ஆம், 20 ஆம் திக­தி­களில் அட்டன் “சீடா” கல்வி அபி­வி­ருத்தி வள நிலை­யத்தில் இரண்டாம் கட்­ட­மாக நடத்­தப்­படும் இந்த பயிற்சிப் பட்­ட­றைக்கு முழு­மை­யான அனு­ச­ர­ணையை அவுஸ்­தி­ரே­லி­யாவை தள­மாகக் கொண்டு இயங்கி வரும் “இந்­திய வம்­சா­வளித் தமிழர் பேரவை” (ASSOCIATION  OF  INDIAN  ORIGIN  TAMILS  OF  SRI  LANKA  -  AUSTRALIYA ) வழங்­கி­யுள்­ள­தாக மன்­றத்தின் உப­த­லைவர் ஏ.எஸ்.ஞானம் தெரி­வித்­துள்ளார்.

மேற்­படி பரீட்­சைக்கு நுவ­ரெ­லியா மாவட்­டத்­தி­லி­ருந்து பெரும்­பா­லானோர் தோற்­ற­வுள்­ளதால் அவர்­க­ளுக்கு வழி­காட்டி ஆலோ­சனை வழங்கி உதவும் வகையில் கடந்த மாதம் முதலாம் கட்­ட­மாக வதி­விட வச­தி­யுடன் கூடிய இல­வச பயிற்சிப் பட்­டறை அட்டன் “சீடா” கல்வி அபி­வி­ருத்தி வள நிலை­யத்தில் நடத்­தப்­பட்­டி­ருந்­தது.

இதில் பங்­கு­பற்ற 75 பேர் விண்­ணப்­பித்­தி­ருந்தும் 65 பேர் மாத்­தி­ரமே பங்­கு­பற்­றி­யி­ருந்­தார்கள். மூன்று நாட்கள் இடம்­பெற்ற பயிற்சிப் பட்­ட­றைக்கு உணவு, தங்­கு­மிட வசதி மற்றும் வள­வா­ளர்­க­ளுக்­கான ஏற்­பா­டுகள் முத­லா­ன­வற்­றுக்­காக சுமார் 3 இலட்சம் ரூபா செல­வி­டப்­பட்­டி­ருந்­தது.

   நான்கு கட்­டங்­க­ளாக தலா மூன்று நாட்­க­ளுக்கு நடத்­து­வ­தற்குத் திட்­ட­மி­டப்­பட்­டுள்ள தொடர் பயிற்சிப் பட்­ட­றையின் இரண்டாம் கட்­டத்தில் பங்­கு­பற்ற 65 பேருக்கும் அழைப்பு அனுப்­பப்­பட்­டுள்­ளது. மூன்று பாடங்­களில் நடத்­தப்­படும் பயிற்சிப் பட்­ட­றையில் வள­வா­ளர்­க­ளாக எஸ். தவ­சேகர் (பொது உளச்­சார்பு) எஸ். குகன் (பொது அறிவு) சி. தங்­க­ரூபன் (ஆக்­க­பூர்­வ­மான பங்­கு­பற்­றலும் தொடர்­பாடல் திறன்­களும்) ஆகியோர் கலந்துகொள்­வார்கள்.

இலங்கை திறந்த பல்­கலைக்கழ­கத்தின் சிரேஷ்ட விரி­வு­ரை­யாளர் கலா­நிதி ஏ. எஸ். சந்­தி­ரபோஸ், பேரா­தனைப் பல்­கலைக்கழ­கத்தின் சிரேஷ்ட விரி­வு­ரை­யாளர் கலா­நிதி இரா. ரமேஷ் ஆகி­யோரின் வழிகாட்டலில் என். கஜேந்திரகுமார் ஒருங்கிணைப்புக்கான ஏற்பாடுகளை மேற்கொண்டுள்ளார்.

நிகழ்வின் இறுதி நாளன்று மலையகக் கல்வி அபிவிருத்தி மன்றத்தின் போஷகர்கள் மற்றும் நிர்வாக சபை உறுப்பினர்கள் கலந்து கொள்வார்கள்.