தவறவிடாதீர்கள்..!உடனே பதிவு செய்யுங்கள்

பங்களாதேசை சேர்ந்த பயங்கரவாத அமைப்பொன்று தமிழ்நாட்டின் கிருஸ்கிரியில் ஆயுதபயிற்சி மற்றும் தாக்குதல் ஒத்திகைகளில் ஈடுபட்டது என இந்தியாவின் தேசிய விசாரணை பணியகம் தெரிவித்துள்ளது.

இந்தியாவின் தேசிய  விசாரணை பணியகத்தின் தலைவர் வைசிமோடி இதனை தெரிவித்துள்ளார்.

ஜமாத் உல் முஜாஹீடின் பங்களாதேஸ் என்ற அமைப்பின் நடவடிக்கைகள் குறித்தே அவர்  எச்சரிக்கை விடுத்துள்ளார்.

குடியேற்றவாசிகள் என்ற போர்வையில் இந்த அமைப்பினர் இந்தியாவின் தென்மாநிலங்கள் வரை ஊடுருவியுள்ளனர் என அவர் எச்சரித்துள்ளார்.

2014 முதல் 2018 வரை இந்த அமைப்பு பெங்களுரில் பல மறைவிடங்களை உருவாக்க முயன்றதுடன் தென்னிந்தியாவில் கால்பதிக்க முயன்றது என வைசிமோடி தெரிவித்துள்ளார்.

தமிழ்நாட்டின் கிருஸ்ணகிரியில் இந்த அமைப்பினர் ரொக்கட் லோஞ்சர் வகை ஆயுதங்களை பரிசோதனை செய்து பார்த்தனர் என குறிப்பிட்டுள்ள இந்தியாவின் தேசிய புலனாய்வு பணியகத்தின் தலைவர் மியன்மாரின் ரொகிங்யா முஸ்லீம்கள் மீதான தாக்குதலிற்கு பழிவாங்குவதற்காக பங்களாதேஸ் அமைப்பினர் இந்தியாவில் பௌத்த ஆலயங்களை தகர்க்க திட்டமிட்டனர் எனவும் குறிப்பிட்டுள்ளார்.