தவறவிடாதீர்கள்..!உடனே பதிவு செய்யுங்கள்

(இராஜதுரை ஹஷான்)

எல்பிடிய பிரதேச சபை தேர்தலில்  ஸ்ரீ லங்கா பொதுஜன பெரமுன அமோக வெற்றிப் பெற்று அதிகமான ஆசனங்களை கைப்பற்றும். ஜனாதிபதி தேர்தலில் வெற்றிப் பெறுவதற்கு முன்னர் தமது பலத்தை ஐக்கிய தேசிய கட்சி இத்தேர்தலில் உறுதிப்படுத்த வேண்டும் என பாராளுமன்ற உறுப்பினர் ரமேஷ் பத்திரன சவால்விடுத்தார்.

பொதுஜன பெரமுனவின் தலைமை காரியாலயத்தில் இன்று இடம் பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் அவர் மேற்கண்டவாறு குறிப்பிட்டார்.

 ஸ்ரீ லங்க பொதுஜன பெரமுனவுன், சுதந்திர கட்சி ஒப்பந்த அடிப்படையில் இணைந்துள்ளமை எமது வெற்றியை பலப்படுத்தியுள்ளது. 

ஸ்ரீ லங்கா பொதுஜன பெரமுனவிற்கு சுமார் 52 இலட்சம் வாக்குகள் உள்ளது என்று  இடம் பெற்று முடிந்த உள்ளுராட்சி மன்ற தேர்தலின் பெறுபேற்றின் ஊடாக உறுதிப்படுத்தப்பட்டுள்ளது.அத்தேர்ததில் ஸ்ரீ லங்கா சுதந்திர கட்சிக்கு 15 இலட்சம் வாக்குகள் காணப்படுகின்றது. ஆகவே தற்போது இவ்விரண்டு தரப்பின் இணைப்பின் ஊடாக சுமார் 67 இலட்சம் வாக்குகள் எதிரணிக்கு உள்ளது என்று உறுதிப்படுத்தப்பட்டுள்ளது.

சுமார் 67இலட்சம் வாக்குகளை அடிப்படையாகக் கொண்டே  பொதுஜன பெரமுன  ஜனாதிபதி தேர்தலை எதிர்க்கொள்ளவுள்ளது. தேர்தலில் வெற்றிப் பெறுவதற்கான அனைத்து திட்டங்களும் வகுக்கப்பட்டுள்ளது. சுதந்திர கட்சியின் கொள்கையினையும் ஆதாரமாக கொண்டு ஜனாதிபதி தேர்தலில்  அமோக பெற்றிப் பெற முடியும் என இதன்போது தெரிவித்துள்ளார்.