ஏ. எல். விஜய் இயக்கத்தில் பொலிவூட் நடிகை கங்கான ரனாவத் நடிக்கும் ‘தலைவி’ படத்தில், எம்.ஜி.ஆர். கதாபாத்திரத்தில் நடிக்க நடிகர் அரவிந்த்சாமி ஒப்பந்தம் செய்யப்பட்டிருக்கிறார்.
மறைந்த முன்னாள் தமிழக முதல்வர் ஜெயலலிதா அம்மையாரின் வாழ்க்கை வரலாற்றைத் தழுவி தயாராகவிருக்கும் திரைப்படம் ‘தலைவி’. இந்தப்படத்தில் ஜெயலலிதாவாக பொலிவூட்நடிகை கங்கனா ரனாவத் நடிக்கிறார்.
ஜெயலலிதாவின் திரையுலக வாழ்க்கையிலும், அரசியல் வாழ்விலும் தவிர்க்க முடியாத வழிகாட்டியாகத் திகழ்ந்தவர் புரட்சித்தலைவர் எம்.ஜி.ஆர். இவ்விரண்டு தலைவர்களும் இணைந்து , இருபத்தைந்திற்கும் மேற்பட்ட திரைப்படங்களில் நாயகன் நாயகிகளாக நடித்திருக்கிறார்கள்.
இந்நிலையில் இப்படத்தின் இயக்குநர் ஏ.எல்.விஜய் எம்.ஜி.ஆராக நடிக்க நடிகர் அரவிந்த்சாமியைத் தெரிவு செய்திருக்கிறார். இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
நவம்பர் மாதத்தில் படப்பிடிப்பு தொடங்கவிருக்கும் இப்படத்தில் நடிகை கங்கான ரனாவத், நான்கு வித தோற்றங்களில் நடிப்பதற்காக ஹொலிவூட் சென்று ஒப்பனை கலைஞரைச் சந்தித்திருக்கிறார். அத்துடன் பரத நாட்டியத்தையும் கற்று வருகிறார்.
நடிகர் அரவிந்த்சாமி தற்போது வெற்றிகரமாகப் பட மாளிகையில் ஓடிக்கொண்டிருக்கும் தெலுங்கு நடிகர் சிரஞ்சீவி நடித்த ‘சைரா நரசிம்ம ரெட்டி’ என்ற படத்திற்குத் தமிழில் அவருக்குப் பின்னணி குரல் கொடுத்திருக்கிறார் என்பதும்,‘ புலனாய்வு’ என்ற திரைப்படத்தில் நடித்து வருகிறார் என்பதும் குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM