(எம்.எப்.எம்.பஸீர்)

ஜனாதிபதி தேர்தலை நடத்துவது தொடர்பில் தேர்தல்கள் ஆணைக் குழுவின் தலைவர் வெளியிட்ட வர்த்தமானி அறிவித்தலை இரத்து செய்து செட்டியோராரி எழுத்தானை ஒன்றினை பிறப்பிக்குமாறு கோரி  உயர் நீதிமன்றில் இன்று மனுவொன்று தாக்கல் செய்யப்பட்டது. 

 

காலி முன்னாள் நகர பிரதா மெத்சிறி டி சில்வா இந்த மனுவை தாக்கல் செய்தார்.

ஜனாதிபதி மைத்திரிபால சிறிசேனவை 2015 ஆம் ஆண்டு ஜனவரி மாதம் 8 ஆம் திகதி  ஜனாதிபதித் தேர்தலின் போது அடுத்துவரும் 6 வருடங்களுக்கே ஜனாதிபதியாக தெரிவு செய்ததாகவும்,

அவ்வாறிருக்கையில் ஜனாதிபதியின் பதவிக் காலத்தில் 5 வருடங்கள் நிறைவடைந்ததும் , தேர்தல்கள் ஆணைக் குழுவின் தலைவர் ஜனாதிபதித் தேர்தலுக்கான வர்த்தமானி அரிவித்தலை பிறப்பித்து, எதிர்வரும் 7 ஆம் திகதி வேட்பு மனுவும் தாக்கல் செய்ய நிர்ணயிக்கப்பட்டுள்ளதாக மனுதாரர் தனது மனுவில் சுட்டிக்காட்டியுள்ளார்.

இந் நிலையில் தேர்தல்கள் ஆணைக் குழுவின் தலைவர் உள்ளிட்டவர்களின் இந்த தீர்மானமானது  அரசியலமைப்புக்கு முரணானது எனவும் அதனால், குறித்த வர்த்தமானியை இரத்து செய்து, அதனை வலுவிழந்ததாக உத்தரவிடமாறும் மனுதாரர் கோரியுள்ளார்.