தவறவிடாதீர்கள்..!உடனே பதிவு செய்யுங்கள்

பெரு நாட்டில் பஸ் ஒன்று 300 அடி பள்ளத்தாக்கில் வீழ்ந்ததில் 23 பேர் உயிரிழந்துள்ளதாக சர்வதேச ஊடகம் செய்தி வெளியிட்டுள்ளது.

பெரு நாட்டின் தெற்கு பகுதியில் குவிஸ்பிகாஞ்சி மாகாணத்தில் உள்ள அமேசான் மழைக்காடு நகரமான புவேர்ட்டோ மால்டோனாடோவில் இருந்து கஸ்கோ நகருக்கு 40 க்கும் மேற்பட்ட பயணிகளுடன் பயணித்த பஸ் ஒன்றே இவ்வாறு விபத்துக்குள்ளாகியுள்ளது. 

குறித்த பஸ்ஸானது கஸ்கோவில் உள்ள மலைப்பாங்கான சாலையில் சென்று கொண்டிருந்தபோது திடீரென சாரதியின் வேகக் கட்டுப்பாட்டை இழந்தது 300 அடி பள்ளத்தாக்கில் கவீழ்ந்து வீழந்தது. 

இதனால் பஸ்ஸில் பயணித்த 23 பேர் சம்பவ இடத்திலேயே உடல் நசுங்கி உயிர் இழந்ததுடன், மேலும் சுமார் 20 பேர் பலத்த காயம் அடைந்தனர். 

அவர்கள் அனைவரும் மீட்கப்பட்டு அருகில் உள்ள வைத்தியசாலையில் சிகிச்சைக்காக சேர்க்கப்பட்டு உள்ளனர். அவர்களில் சிலரது நிலைமை கவலைக்கிடமாக உள்ளமையினால் உயிரிழப்புகள் அதிகரிக்கக்கூடும் எனவும் அஞ்சப்படுகிறது.

பெருவின் கஸ்கோ பகுதி ஒரு பிரபலமான சுற்றுலாத் தலம் என்பது குறிப்பிடத்தக்கது.