பொலிவியா நாட்டில் அமேசன் காட்டில் பற்றி எரியும் தீயை அணைக்க முடியாமல் அந்நாட்டு அரசாங்கம் திண்டாடி வருகிறது.

உலகிற்கே 20% மழை கொடுக்கும் அமேசன் காட்டில் கடந்த சில வாரங்களாக காட்டுத் தீ பரவி இலட்சக்கணக்கான மரங்களும் விலங்கினங்களும் தீயில் கருகின. அமேசன் மழைக்காடுகளில் பற்றி எரியும் காட்டுத்தீயை அணைக்கும் முயற்சியில் பிரேஸில், பரகுவே, பெரு, கனடா உள்ளிட்ட நாடுகள் ஈடுபட்டன.

இந்நிலையில், பொலிவியாவில் 3800 சதுர கிலோமீற்றர் பரப்பளவு வனத்தில் இன்னமும் தீ பற்றி எரிந்து வருகிறது. கிட்டத்தட்ட 10 இலட்சம் ஏக்கரில் பற்றி எரியும் காட்டுத் தீ நாளுக்கு நாள் பரவி வருவதால் அதனைக் கட்டுப்படுத்த முடியாமல் திணறி வருகிறது பொலிவிய அரசு.