தவறவிடாதீர்கள்..!உடனே பதிவு செய்யுங்கள்

மட்டக்களப்பு போதனா வைத்தியசாலை இரத்த வங்கியில் ஏற்பட்டுள்ள இரத்த தட்டுப்பாட்டைப் போக்க இரத்ததான முகாம்கள் நடாத்தப்பட்டு வருகின்றன.

இத்திட்டத்தின் கீழ் காத்தான்குடி பொலிஸ் நிலையத்தினால் ஏற்பாடு செய்யப்பட்ட இரத்த தான முகாம் இன்று காலை பொலிஸ் நிலைய பொறுப்பதிகாரி ஏ.பி.வெதகெதர தலைமையில் ஆரம்பமானது.

மட்டக்களப்பு போதனா வைத்தியசாலை இரத்த வங்கி பொறுப்பதிகாரி டாக்டர் யு.எச்.வாரியபொல மற்றும் தாதியர்கள் வைத்திசாலை ஊழியர்கள் கலந்து கொண்டனர்.

காத்தான்குடி பொலிஸ் நிலையத்தில் கடமை புரியும் பொலிஸ் உத்தியோகத்தர்கள் ஆர்வத்துடன் கலந்து கொண்டு இரத்ததானம் செய்தனர்.

தலசீமியா நோயாளர்களின் அதிகரிப்பும் சமதான சூழலையடுத்து, அதிகமான நோயாளர்கள் குறித்த வைத்தியசாலைக்கு சிகிச்சைக்காக வருவதுமே இரத்த தட்டுப்பாட்டிற்கான காரணமென வைத்தியசாலை அதிகாரியொருவர் தெரிவித்தார்.

- ஜவ்பர்கான்