ரூட்டுக்கு பதிலடி கொடுத்த அவுஸ்திரேலிய ஊடகம்

Published By: Vishnu

10 Sep, 2019 | 12:09 PM
image

நான்காவது ஆஷஸ் போட்டியின் தோல்வியைத் தொடர்ந்து இங்கிலாந்து அணித் தலைவர் ஜோ ரூட் தெரிவித்த கருத்துக்கு அவுஸ்திரேலிய ஊடகம் பதிலடி கொடுத்துள்ளது. 

நேற்றுமுன்தினம் நடைபெற்று முடிந்த இங்கிலாந்து அணிக்கு எதிரான ஆஷஸ் தொடரின் நான்காவது போட்டியில் அவுஸ்திரேலியா அணி 185 ஓட்டத்தினால் வெற்றிபெற்று, தொடரில் 2:1 என்ற கணக்கில் முன்னிலையில் உள்ளது.

இந்த ஆஷஸ் தொடரைப் பொறுத்தவரையில் அவுஸ்திரேலிய அணிக்கு ஸ்டீவ் ஸ்மித்தின் சேவையை பொறுத்தரையில் அளப்பறியதொன்றாகவே காணப்படுகிறது.

காரணம் இரு சதங்கள், இரு அரைசதங்கள் மற்றும் ஒரு இரட்டைச் சதம் உள்ளடங்களாக மொத்தமாக 671 ஓட்டங்களை குவித்து, 134.20 என்ற சராசரியை பதிவுசெய்துள்ளார்.

அவரை வீழ்த்த இங்கிலாந்துக்கு தெரியவில்லை என்றுதான் கூற வேண்டும், இந்த ஆஷஸ் மட்டுமா, இதற்கு முந்தைய ஆஷஸ் தொடர்களிலும் இங்கிலாந்தின் வேதனையை அதிகரிக்கும் வீரராக இருந்துள்ளார்.

இந் நிலையில் இந்த தோல்வி குறித்து கருத்து தெரிவித்த இங்கிலாந்து அணித் தலைவர் ஜோ ரூட், 

இந்தத் தொடரில் பந்துவீச்சே பெரும்பங்கு ஆதிக்கம் செலுத்தியது, துடுப்பாட்டத்தில் ஸ்மித்தை எடுத்து விட்டால் இரு அணிகளும் கிட்டத்தட்ட ஒன்றுதான். 

ஸ்டீவ் ஸ்மித் இத்தகைய நிலையில் இருக்கும் போது அவருக்கு பந்து வீசுவது கடினமே. அவர் அளிக்கும் அனைத்து வாய்ப்புகளையும் பயன்படுத்த வேண்டும், ஆனால் நாங்கள் இதுவரை அதைச் செய்யவில்லை, இதற்கான விலையைக் கொடுத்து விட்டோம் என்றார்.

ஜோ ரூட் விளக்கத்தில் திருப்தியடையாத அவுஸ்திரேலிய ஊடகம், அவருக்கு பதிலளிக்கும் வகையில் ஸ்மித் மட்டுமே வித்தியாசம் எனில் ஹேசில்வுட், பேட் கமின்ஸ், லபுஷேன் ஆடவில்லையா? என்ற ரீதியில் கேள்வி எழுப்பி ரூட்டுக்குப் பதிலடி கொடுத்துள்ளது.

ஸ்மித் மட்டுமே வித்தியாசம் என்று கூறுவதன் மூலம் கமின்ஸ், ஹேசில்வுட், அபார பந்து வீச்சும் 58 ஓட்டங்கள் சராசரி வைத்துள்ள லபுஷேன் துடுப்பாட்டமும் என்ன மாதிரியான பங்களிப்பு செய்துள்ளன, இவற்றையெல்லாம் ஜோ ரூட் குறைத்து மதிப்பிடலாமா என்று கேள்வி எழுப்பியுள்ளது. 

முக்கிய செய்திகள்

icon-left
icon-right

தொடர்பான செய்திகள்

news-image

இங்கிலாந்துக்கு 19 வயதுக்குட்பட்ட இலங்கை கிரிக்கெட் ...

2024-05-28 19:17:09
news-image

சினா க்ரோன் ப்றீ 400 மீ....

2024-05-28 17:59:53
news-image

தேசிய கராத்தே தெரிவுக்குழு 2024 !

2024-05-28 10:23:17
news-image

பங்களாதேஷைவிட வெற்றிபெற வேண்டும் என்ற வேட்கை...

2024-05-27 19:58:22
news-image

ரி20 உலகக் கிண்ண பயிற்சிப் போட்டி:...

2024-05-27 18:36:04
news-image

மகேஸ்வரன் சவால் கிண்ண யாழ். மாவட்ட...

2024-05-27 17:47:06
news-image

இலங்கையில் கால்பந்தாட்டத்தை முன்னேற்ற லைக்கா ஞானம்...

2024-05-27 15:59:29
news-image

உலக பரா மெய்வல்லுநர் சம்பியன்ஷிப்பில் பதக்கம்...

2024-05-27 13:31:34
news-image

ஹைதராபாத்தை 8 விக்கெட்களால் வீழ்த்தி  ஐபிஎல்...

2024-05-27 01:37:33
news-image

ஐ.பி.எல். 2024 இறுதிப் போட்டி இன்று...

2024-05-26 10:41:17
news-image

MCA - ஹொண்டா ஜீ பிரிவு...

2024-05-26 09:38:45
news-image

 உலக பரா மெய்வல்லுநர் போட்டியில் இலங்கையின்...

2024-05-25 20:58:29