தவறவிடாதீர்கள்..!உடனே பதிவு செய்யுங்கள்

(எம்.எப்.எம்.பஸீர்)

பயங்­க­ர­வா­தி­க­ளுக்கு உதவி ஒத்­தாசை வழங்­கி­ய­தாக கூறப்­படும் குற்­றச்­சாட்டில் இரா­ணுவ புல­னாய்வுப் பிரி­வி­னரால் கைது செய்­யப்­பட்டு, தற்­போது பயங்­க­ர­வாத தடுப்பு மற்றும் விசா­ரணைப் பிரி­வி­னரின் தடுப்பில், யாழ். பொலிஸ் நிலை­யத்தில் வைத்து விசா­ர­ணைக்கு உட்­ப­டுத்­தப்­பட்­டு­வரும் பளை சட்ட வைத்­திய அதி­காரி சின்­னையா சிவ­ரூ­பனின் வாக்கு மூலம் மற்றும் வேறு சான்­று­க­ளுக்கு அமைய மேலும் 6 பேர் கைது செய்­யப்­பட்­டுள்­ளனர்.  

இந் நிலையில் இது­வரை இந்த விவ­கா­ரத்தில் கைது செய்­யப்­பட்­டுள்ள சட்­ட­வைத்­திய அதி­காரி உள்­ளிட்ட 7 பேர் தொடர்­பிலும் மேல­திக விசா­ர­ணை­களை முன்­னெ­டுக்க கொழும்­பி­லி­ருந்து  பயங்­க­ர­வாத தடுப்பு மற்றும் விசா­ரணைப் பிரிவின் தலைமை அலு­வ­ல­கத்தில் இருந்து உதவி பொலிஸ் அத்­தி­யட்சர் ஒரு­வரின் கீழ் சிறப்புக் குழு­வொன்று யாழ்ப்­பா­ணத்­துக்கு அனுப்பி வைக்­கப்­பட்­டுள்­ள­தாக  பொலிஸ் ஊடகப் பேச்­சாளர் பொலிஸ் அத்­தி­யட்சர் ருவன் குண­சே­கர கூறினார்.

 கடந்த 18 ஆம் திகதி இரா­ணு­வத்­தி­னரால் கைது செய்­யப்­பட்டு, பயங்­க­ர­வாத தடுப்பு மற்றும் விசா­ரணைப் பிரி­வி­ன­ரிடம் ஒப்­ப­டைக்­கப்­பட்ட பளை சட்ட வைத்­திய அதி­கா­ரி­யிடம் முன்­னெ­டுக்­கப்­பட்ட ஆரம்­ப­கட்ட விசா­ர­ணை­களை அடுத்து  முதலில் நான்கு பேரை சி.ரி.ஐ.டி.யினர் கைது செய்­தனர். 

 சின்­ன­மணி நனேஷ்­வரன்,  இரத்­தினம் கிருஷ்­ண­ராஜா,  மோக­ன­சுந்­தரம் சின்­ன­துறை,  விநா­ய­க­மூர்த்தி நெகிலன் ஆகி­யோரே இவ்­வாறு கைது செய்­யப்பட்­ட­வர்­க­ளாவர். 

கொழும்பில் இருந்து சென்ற உதவி பொலிஸ் அத்­தி­யட்சர் தலை­மை­யி­லான குழு  சட்ட வைத்­திய அதி­காரி சின்­னையா சிவ­ரூ­ப­னிடம் முன்­னெ­டுத்த விசா­ர­ணை­களில், பளை பகு­தியில் மறைத்து வைக்­கப்­பட்­டி­ருந்த ஆயு­தங்கள் உட்­பட பல ஆயு­தங்கள் மீட்­கப்­பட்­டுள்­ளன. 

அவற்றில் ஏ.கே.47 துப்­பாக்கி ஒன்று,  அந்த துப்­பாக்­கிக்கு பயன்­ப­டுத்­த­ப்படும் இரு மெக­சின்கள்,  அத்­துப்­பாக்­கிக்கு பயன்­ப­டுத்­தப்­படும் 120 தோட்­டாக்கள், 11 கைக்­குண்­டுகள்,  பீ.ஈ.10 ரக வெடி­பொருள் என சந்­தே­கிக்­கப்­படும் வெடி­பொருள் 10 கிலோ,  தூரக் காட்டி, புலிகள் மற்றும் இரா­ணு­வத்­தினர் பயன்­ப­டுத்தும் இரு தொப்­பிகள் உள்­ளிட்ட பல ஆயு­தங்கள் மற்றும் உப­க­ர­ணங்கள் இவ்­வாறு கைப்­பற்­றப்­பட்­டி­ருந்­தன.

அதனை மையப்­ப­டுத்தி முன்­னெ­டுத்த மேல­திக விசா­ர­ணை­களில் மேலும் இரு­வரை நேற்று முன்தினம் இரவு சி.ரி.ஐ.டி.யினர் கைது செய்தனர்.  ரி. நிமலராஜ்,  ரூபன் ஜதுஷன் ஆகியோரே இவ்வாறு கைது செய்யப்பட்ட சந்தேக நபர்களாவர்.

மேலதிக விசாரணைகளை பயங்கரவாத தடுப்பு மற்றும் விசாரணைப் பிரிவின் சிறப்பு பொலிஸ் குழு முன்னெடுத் துள்ளமை குறிப்பிடத்தக்கது.