தவறவிடாதீர்கள்..!உடனே பதிவு செய்யுங்கள்

மலை­யகப் பெருந்­தோட்ட பாதைகள் யாருக்கும் சொந்­த­மில்லை. அவை தோட் டப் பாதைகள் என அடை­யாளப்படுத்­தப்­பட்­டுள்­ளதால் அர­சாங்­கத்தின் எந்த முகவர் அமைப்பும் அவற்றை பொறுப்­பேற்று புன­ர­மைப்­பதோ பரா­ம­ரிப்­பதோ இல்லை. எனவே மாகாண வீதி அபி­வி­ருத்தி அதி­கார சபை மற்றும் உள்­ளூ­ராட்சி அதி­கார சபைக்கு கீழாக தோட்டப் பாதை­களை பிர­க­ட­னப்படுத்­து­மாறு கோரி பாரா­ளு­மன்றில் பிரே­ரணை முன்­வைத்தேன். 

அதனை உள்­நாட்டு அலு­வல்கள், மாகாண சபைகள் உள்­ளூ­ராட்சி அமைச்சு ஏற்­றுக்­கொண்­டுள்­ளது. விரைவில் அதற்­கான பணிகள் ஆரம்­ப­மாகும் என தொழி­லாளர் தேசிய சங்­கத்தின் பொதுச் செய­லா­ளரும் நுவ­ரெலியா மாவட்ட பாரா­ளு­மன்ற உறுப்­பி­ன­ரு­மான எம். தில­கராஜ் தெரி­வித்­துள்ளார்.

கொட்­ட­கலை பிர­தே­ச ­ச­பைக்­குட்­பட்ட யுலிபீல்ட் - அந்­தோ­னி­மலை பாதை கார்ப்பட் இடு­வ­தற்­கான ஆரம்பப் பணிகள் அண்­மையில் அந்­தோ­னி­ம­லையில் கொட்­ட­கலை பிர­தேச சபை உறுப்­பினர் நாகேந்­திரன் தலை­மையில் இடம்­பெற்­றது. 

தொழி­லாளர் தேசிய சங்க உப­த­லை­வர்கள் ராஜ­மா­ணிக்கம், சிவா­னந்தன், கொட்­ட­கலை பிர­தேச அமைப்­பாளர் செந்­தூரன், செய­லாளர் சுரேஷ் உள்­ளிட்ட பலர் கலந்­து­கொண்ட இந்த நிகழ்வில் பிர­தம அதி­தி­யாக கலந்து கொண்டு உரை­யாற்­றியபோதே தில­கராஜ் மேற்­கண்­ட­வா­று தெரி­வித்தார்.

 அவர் தொடர்ந்தும் உரை­யாற்­று­கையில்,

உள்­நாட்டு அலு­வல்கள் மாகாண சபைகள் உள்­ளூ­ராட்சி அமைச்சு ஏற்­றுக்­கொள்­வ­தற்கு முன்ன­தா­கவே பெருந்­தெ­ருக்கள் அமைச்சின் ஊடாக நாம் பெருந்­தோட்டப் பகுதி பாதைகள் பல­வற்றை புன­ர­மைத்து வரு­கிறோம். அண்­மையில் அமைச்சர் கபீர் ஹாசிமை அழைத்து வந்து கார்பட் பாதை­களை மக்­க­ளிடம் கைய­ளிக்கும் நிகழ்­வு­களை நடத்தியிருந்தோம். இப்­போது ரண்­மாவத் திட்­டத்­துக்கு மேலாக பெருந்­தோட்டப் பாதை­க­ளுக்கு என விசேட திட்டம் ஒன்றை வழங்­கவும் அமைச்சர் கபீர் எமக்கு ஒப்­புதல் வழங்­கி­யுள்ளார்.

தற்­போ­தைய ரண்­மாவத் திட்­டத்தின் கீழ் சந்­தி­ரி­காமம், ராணி­வத்தை, பிட்­டவின், சென்கூம்ஸ், டில்­லி­குல்ற்றி, ரொஸ்­கி­ரியா ஆகிய பாதை­க­ளுடன் அந்­தோனிமலை பாதையிலும் எனது கோரிக்­கையின் பேரில் கார்ப்பட் பணி­களை ஆரம்­பித்­துள்­ளார்கள். அதே­போல எமது தலைவர் அமைச்சர் திகாம்­பரம் தலை­மையில் மேபீல்ட் பாதை பணிகள் தற்­போது ஆரம்­பிக்­கப்­பட்­டுள்­ளது. 

எபோட்ஸ்லி பாதை விரைவில் ஆரம்­பிக்­கப்­படும். இதனை அறிந்தே அங்கு போராட்டம் ஏற்­பாடு செய்­யப்­ப­டு­வ­தாக அறி­கிறேன். பாதை கேட்­டு­நின்ற மலை­யக  மக்கள்  இப்­போது கார்ப்பட் பாதை கேட்டு போராடும் காலம் மலர்ந்­துள்­ளது. இது அர­சியல் மாற்­றத்தின் அடை­யா­ள­மாகும்.

இங்கே அந்­தோ­னி­ம­லைக்கு வழங்­கப்­படும் பாதையை தமக்கு வழங்­குமாறு வழியில் நின்று என்­னிடம் கேட்­டனர். இந்தப் பாதை யூலிபீல்ட் சந்­தியில் தொடங்கி அந்­தோ­னி­ம­லையில் நிறை­வ­டை­கின்­றது.

அந்­தோ­னி­மலை மக்கள் இந்த வீதி­யினை புன­ர­மைக்க கோரி பாரிய போராட்டம் ஒன்­றினை நடாத்­தினர். அப்­போ­துதான் புதிய பிர­தேச சபை உறுப்­பி­ன­ராக தெரி­வான எமது கட்­சியின் நாகேந்­திரன் என்ன செய்­வது என என்­னிடம் கேட்டார். உடனே தளத்­திற்கு சென்று எமது பாரா­ளு­மன்ற உறுப்­பினர் தில­கராஜ் இதனை புன­ர­மைத்து தரு­வ­தாக உறு­தியளித்­துள்ளார்  என மக்­க­ளிடம் சொல்­லுங்கள் என்றேன். அது இப்­போது நிறை­வே­று­கின்­றது.

வெலிங்டன், யுலிபீல்ட் என கிறிஸ்லஸ் பாம் என இந்த பாதை அறு­ப­தடி  பால­ சந்­தியை சென்­ற­டையும். இத்­த­கைய பாதை அபி­வி­ருத்­தி­களை ஒரு சவா­லா­கவே எதிர்­கொள்­கிறோம். அதே­போன்று புரட்டப், சந்­தி­ரி­காமம் போன்ற பாதை­க­ளுக்கு கடந்த ஆண்டே கார்ப்பட் இட திட்டமிடப்பட்ட போதும் அந்த திட்டங்களும் கைவிடப்பட்டன. மீண்டும் மீட்டு வந்து விரைவில் புனரமைப்பு செய்வுள்ளோம். நான் வாக்குறுதியளித்த அந்த பாதைகளை புனரமைக்காவிட்டால் அந்த மக்களிடம் நான் வாக்கு கேட்டுப்போகமாட்டேன் என்றும் தெரிவித்தார்.