ஐ.தே.க. வின் ஜனாதிபதி வேட்பாளர் யார்..?: பாராளுமன்ற குழு இன்று கூடுகின்றது

Published By: J.G.Stephan

19 Aug, 2019 | 08:41 AM
image

(நா.தினுஷா) 

ஐக்கிய தேசிய கட்சியின் பாராளுமன்ற குழு இன்று திங்கட்கிழமை கூடுகிறது. இந்த பாராளுமன்ற  குழுக்  கூட்டத்தின் போது  ஐக்கிய தேசிய கட்சியின் ஜனாதிபதி வேட்பாளர் தொடர்பில் முக்கியமாக  ஆராயப்படவுள்ளது.

இதன்போது எதிர்வரும் இரண்டு வாரங்களில் ஜனாதிபதி வேட்பாளரை தெரிவு செய்வது குறித்து விசேட தீர்மானங்கள் எடுக்கப்படும் என்று தாம் எதிர்பார்ப்பதாக பாராளுமன்ற உறுப்பினர் ஹர்ஷன ராஜகருணா தெரிவித்தார்.

  

இது குறித்து அவர் மேலும் கூறியதாவது , 

கடந்த ஐந்தாம் திகதி ஐக்கிய தேசிய கட்சி தலைமையிலான ஜனநாயக தேசிய முன்னணியை  உத்தியோகபூர்வமாக அறிவிக்கவே  தீர்மானிக்கப்பட்டிருந்தது. அந்த நிலையில் கூட்டணி தொடர்பில் ஆராய்வதற்கு கட்சியின் செயற்குழு  கூடியிருந்தது. ஆயினும் யாப்பில் காணப்படும் குறைப்பாடுகளின் காரணமாக திருத்தங்களுடன்  கூட்டணிக்கான யாப்பை கொண்டுவர வேண்டும் என்று கட்சியின்  அனேகமான உறுப்பினர்கள்  வலியுறுத்தியிருந்தார்கள்.

அதன் பின்னர் கட்சி தலைவர்களிடையே விசேட கலந்துரையாடல்களும் இடம்பெற்றிருந்தன. அதற்கமைய தற்போது ஜனநாயக தேசிய முன்னணிக்கான யாப்பை திருத்தி அமைப்பதற்கு ஐக்கிய தேசிய முன்னணியின் அனேகமான உறுப்பினர்கள் தமது இணக்கத்தையும் தெரிவித்துள்ளனர்.

இந்நிலையில இன்று திங்கட்கிழமை முற்பகல் கூடவுள்ள பாராளுமன்ற குழு கூட்டத்தில்  பல முக்கிய விடயங்கள் குறித்து கவனம் செலுத்தப்பட உள்ளது. பாராளுமன்றம் சார்ந்த செயற்பாடுகள் மற்றும் கட்சியின்  ஜனாதிபதி வேட்பாளர் குறித்தும்  கலந்துரையாடப்படும். எதிர்வரும் இரண்டு வாரங்களில் ஜனாதிபதி வேட்பாளரை அறிவிக்க வேண்டும் என்பதே அனேகமானவர்களின் எதிர்பார்ப்பாக இருக்கிறது. 

எனவே பாராளுமன்ற குழுவில் ஜனாதிபதி வேட்பாளர் தொடர்பில்  முக்கிய தீர்மானங்கள் எடுக்கப்படும் என்று எதிர்பார்க்கிறோம்.  ஜனாதிபதி வேட்பாளர் தொடர்பில் இடம்பெறவுள்ள கலந்துரையாடல்களுக்கு அமைய ஜனாதிபதி தேர்தல் தொடர்பான எதிர்கால நடவடிக்கைகள் தீர்மானிக்கப்படும் என்றார்.  

    

முக்கிய செய்திகள்

icon-left
icon-right

தொடர்பான செய்திகள்

news-image

பரந்துப்பட்ட அரசியல் கூட்டணியின் ஜனாதிபதி வேட்பாளராக...

2024-03-28 21:31:49
news-image

தேர்தல் செலவின ஒழுங்குபடுத்தல் சட்டம் குறித்து...

2024-03-28 21:37:50
news-image

நாமலுக்கு இன்னும் காலம் இருக்கிறது ;...

2024-03-28 21:33:56
news-image

பாராளுமன்றத்தைப் பிரதிநிதித்துவப்படுத்தாத பதிவு செய்யப்பட்ட அரசியல்...

2024-03-28 21:26:04
news-image

ஜனாதிபதி நிதியத்துக்கும் அரசாங்கத்துக்கும் வழங்கப்படும் பங்களிப்பை...

2024-03-28 21:24:34
news-image

உண்மை, ஒற்றுமை, நல்லிணக்க ஆணைக்குழு சட்டமூலத்தை...

2024-03-28 21:40:00
news-image

அதிஉயர் பாதுகாப்பு வலயங்களில் காணப்படும் ஏழு...

2024-03-28 21:34:28
news-image

கம்பஹாவில் 5 நகர திட்டங்கள் மே...

2024-03-28 21:23:24
news-image

ஈஸ்டர் தாக்குதல் சம்பவம் தொடர்பில் மைத்திரிக்கு...

2024-03-28 19:46:59
news-image

தடுப்பூசி போடப்பட்ட மாணவ குழுவில் 10...

2024-03-28 18:55:29
news-image

இலங்கைக்கான அவுஸ்திரேலிய உயர்ஸ்தானிகர் மன்னார் விஜயம்...

2024-03-28 21:33:20
news-image

நன்னடத்தை பாடசாலை மேற்பார்வையாளர் பெண்ணிற்கு மீண்டும்...

2024-03-28 16:58:06