(நா.தினுஷா) 

ஐக்கிய தேசிய கட்சியின் பின்வரிசை பாராளுமன்ற உறுப்பினர்கள், முக்கிய அமைச்சரகள் பலரின் பங்கேட்புடன் நாளை திங்கட்கிழமை கட்சியின் பிரதி தலைவரும்  அமைச்சருமான சஜித் பிரேமதாசவை சந்தித்து விசேட கலந்துரையாடலை முன்னெடுக்க தீர்மானித்துள்ளனர். 

இதன்போது கட்சியின் ஜனாதிபதி வேட்பாளர் மற்றும் தேர்தல் நடவடிக்கைகள் குறித்தும் பல்வேறு பேச்சவார்த்ததைகள் முன்னெடுக்கவுள்ளதாக  பாராளுமன்ற உறுப்பினர் ஹேஷான் விதானகே தெரிவித்தார். 

இது குறித்து அவர் மேலும் கூறியதாவது , 

பாராளுமன்ற குழு கூட்டம் வழமைப்போல்  முற்பகல் வேளையில் இடம்பெறும். இந்த கலந்துரையாடலின் போது பாராளுமன்ற நடவடிக்கைள் மற்றும் ஜனாதிபதி வேட்பாளர் குறித்தும் கலந்துரையாடப்படும். அதேபோன்று அமைச்சர் சஜித் பிரேமதாசவை ஜனாதிபதி வேட்பாளராக களமிறக்க வேண்டும் என்பதே கட்சியில் அனேகமானவர்களின் எதிர்பார்ப்பாக உள்ளது. கடந்த கட்சியின் செயற்குழு கூட்டத்திலும் அறிவித்திருந்தோம். 

ஜனாதிபதி தேர்தலை மையப்படுத்தி குழு கூட்டம் நிறைவடைந்த பின்னர் பிற்பகல் 4 மணிக்கு அமைச்சர் சுஜீவ சேனசிங்கவின் இல்லத்தில் கட்சியின் பிரதி தலைவரும் அமைச்சருமான சஜித் பிரேமதாசவுடன் விசேட கலந்துரையாடலை நடத்தவுள்ளோம். 

இதன்போது ஜனாதிபதி வேட்பாளரின் தெரிவு மற்றும்  தேர்தலுக்கான நடவடிக்கைகள்  உள்ளிட்ட பல்வேறுப்பட்ட விடயங்கள் தொடர்பில்  கலந்துரையாடப்படவுள்ளது. 

இதில்  கட்சியின் சகல பின்வரிசை பாராளுமன்ற உறுப்பினர்களும்  கலந்துக்கொள்வதோடு அமைச்சர்கள் பலரும் இணைந்துக்கொள்வார்கள்.