(ஆர்.யசி )

இரண்டு ஆண்டுகால  அவகாசத்தில் அரசியல் தீர்வை  பெற்றுத்தருவோம்  என்பது காலத்தை கடத்தும் கதையாகவே தெரிகின்றது.  

வாக்குறுதிக்கு அமைய  இந்த ஆண்டு இறுதிக்குள் தமிழ் மக்களுக்கான அரசியல் தீர்வை அரசாங்கம் பெற்றுக்கொடுக்க வேண்டும் என இலங்கை தமிழரசு கட்சியின் தலைவரும் தமிழ் தேசிய கூட்டமைப்பின் பாராளுமன்ற உறுப்பினருமான மாவை சேனாதிராஜா தெரிவித்தார். 

கல்முனை தமிழ் பிரதேச செயலக விடயத்தில் ஸ்ரீலங்கா முஸ்லீம் காங்கிரசுடன் பேச்சுவார்த்தை நடத்துவது ஆரோக்கியமானது எனவும் அவர் குறிப்பிட்டார்.

அரசியல் தீர்வு குறித்த அரசாங்கத்தின் நிலைப்பாடுகள் மற்றும் கல்முனை விவகாரம் குறித்து வினவியபோதே அவர் இதனைக் குறிப்பிட்டார். இது  குறித்து அவர் மேலும் கூறுகையில்,

யாழ்ப்பாணத்திற்கு  விஜயம் மேட்கொண்டிருந்த பிரதமர் ரணில் விக்கிரமசிங்கவை நான் தனிப்பட்ட முறையில் சந்தித்து பேச்சுவார்த்தை நடத்தினேன். இதன்போது எமது மக்களின் அரசியல் நிலைப்பாடுகள், அரசியல் தீர்வு விடயங்கள் மற்றும் வடக்கின் அபிவிருத்தி செயட்பாடுகள் குறித்து பிரதமருக்கு தெளிவுபடுத்தினேன் என அவர் இதன் போது தெரிவித்தார்.