தஜிகிஸ்தானில் பழுதான  ரொட்டிகளை  உட்கொண்ட  14 கைதிகள் உயிரிழந்துள்ளதாக வெளிநாட்டு ஊடகம் ஒன்று தவல்கள் வெளியிட்டுள்ளது. 

தஜிகிஸ்தானில் குஜாந்த், இஸ்டராவ்ஷான் ஆகிய நகரங்களில் உள்ள சிறைகளில் இருந்து வேறு சிறைகளுக்கு 128 கைதிகளை மாற்றும் பணி நடந்தது. அதற்காக சிறையை விட்டு வெளியே வந்த கைதிகள் 16 பேருக்கு ரொட்டிகள் வழங்கப்பட்டன. அவற்றை உட்கொண்ட அரை மணி நேரத்துக்குள் 16 பேருக்கும் மயக்கம், குமட்டல், வாந்தி ஆகிய பாதிப்புகள் ஏற்பட்டன.

 வேறு சிறைக்குள் வாகனம் நுழைந்தவுடன், 16 கைதிகளுக்கும் வைத்திய சிகிச்சை வழங்கப்பட்டது. ஆயினும், 14 கைதிகள் உயிரிழந்தனர் இதில்  இருவர்  மட்டும் உயிர் தப்பிக் கொண்டனர்.

குறித்த சம்பவம் தொடர்பாக மேலதிக விசாரணைகளை பொலிஸார் மேற்கொண்டு வருகின்றனர்.