(நா.தினுஷா)

ஐக்கிய தேசிய கட்சியின் கொள்கைகளில் உயிர்க் கொலைகளுக்கு இடம் கிடையாது என்றும்  எந்த காரணத்துக்காகவும்  மரணதண்டனையை அமுல்படுத்த ஆதரவு வழங்க முடியாது என்றும் பிரதமர் ரணில் விக்ரமசிங்க தெரிவித்தார். 

அரசியலமைப்பில் மரண தண்டனை தொடர்பான சட்ட ஏற்பாடுகள்  காணப்பட்டாலும்  வரலாற்றி எந்த தலைவர்களும்  அதனை நடைமுறைப்படுத்தவில்லை. 2016 ஐக்கிய நாடுகள் சபை  மரண தண்டனையை தடைசெய்வதற்கான யோசனையை முன்வைத்தபோது  அதற்கு இலங்கையும் இணக்கம் தெரிவித்துள்ளது. அந்த  யோசனைக்கு ஜனாதிபதி மைத்திரிபால சிறிசேனவும்  நானும்  அன்று ஆதரவளித்திருந்தோம் என்றும் அவர் குறிப்பிட்டார்.

மொனராகலை மாவட்டத்தில்   நீர் திட்டத்தை ஆரம்பித்து வைக்கும் நிகழ்வு இன்று பிரதமர் ரணில் விக்ரமசிங்க தலைமையில் இடம்பெற்றது.  

இந்த நீர்த்திட்டத்தை ஆரம்பித்து வைக்கும் நிகழ்வை அடுத்து  ஒப்பேகொட பாடசாலைக்கான புதிய கட்டடம், தெலிவ மகா வித்தியாலத்தின் புதிய கட்டடம், கதிர்காமம் வரத்தக கட்டடடம் உள்ளிட்ட  இன்னும்  சில  கட்டட தொகுதிகளை  பிதரமர்  திறந்து வைத்தார். 

மாரிஅறாவ  நீர் திட்டத்தை ஆரம்பித்து வைத்ததன் பின்னர் ஏற்பாடு செய்யப்பட்டிருந்த மக்கள் சந்திப்பில் கலந்துகொண்டு உரையாற்றும்போதே அவர் இதனை திட்டவட்டமாக அறிவித்தார்.