பிரித்தானிய பழைமைவாதக் கட்சி ஐரோப் பிய ஒன்றியத்திலிருந்து எதுவித உடன்படிக்கையுமின்றி வெளியேறுவதற்கான செயற்பாட்டை முன்னெடுக்க முயற்சிக்குமானால் அது அந்தக் கட்சிக்கு அரசியல் தற்கொலையொன்றாகவே அமையும் என அந்தக் கட்சியின் பிரதமர் பதவிக்கான வேட்பாளரும் வெளிநாட்டு செயலாளருமான ஜெரேமி ஹன்ட் எச்சரித்துள்ளார்.
தெரேஸா மே பிரதமர் பதவியை விட்டு விலகியதையடுத்து அவரது பதவி நிலைக்கு போட்டியிடும் 10 வேட்பாளர்களில் ஜெரேமி ஹன்ட்டும் ஒருவராவார்.
பிரித்தானியா ஐரோப்பிய ஒன்றியத்திலிருந்து விலகுவதைத் தவிர்ப்பதைவிடவும் எதுவித உடன்படிக்கையுமின்றி ஐரோப்பிய ஒன்றியத்திலிருந்து விலகுவது சிறந்தது என எப்போதும் பிரசாரம் செய்து வந்த அவர், ஆனால் பிரதமர் ஒருவர் பிரித்தானியா ஐரோ ப்பிய ஒன்றியத்திலிருந்து உடன்படிக்கையின்றி வெளியேறுவதற்கு பரிந்துரை செய்வாராயின் அவர் பாராளுமன்றத்தில் நம்பிக்கையில்லா தீர்மான வாக்கெடுப்பொன்றை எதிர்கொள்வதற்கான அபாயம் உள்ளதால் பொதுத் தேர்தலொன்றை நடத்த நேரிடும் என எச்சரித்துள்ளார்.
பொதுத் தேர்தலொன்றின் மூலம் பிரித்தானியா உடன்படிக்கையின்றி ஐரோப்பிய ஒன்றியத்திலிருந்து வெளியேறுவதற்கு முய ற்சிப்பது ஒரு தீர்வாக அமையாது எனத் தெரிவித்த அவர், அது பழைமைவாதக் கட் சிக்கு அரசியல் தற்கொலையாகவே அமை யும் என்று கூறினார்.
அதேசமயம் பழைமைவாத கட்சியைச் சேர்ந்த பிறிதொரு வேட்பாளரான சுற்றுச்சூழல் செயலாளர் மைக்கேல் கோவ் பிரித்தானியாவிலுள்ள ஐரோப்பிய ஒன்றிய பிரஜைகளுக்கு கட்டணமின்றி பிரித்தானியப் பிரஜாவுரிமைக்கு விண்ணப்பிக்க அனுமதிப்பதாக உறுதியளித்துள் ளார்.
பிரித்தானிய பிரதமர் பதவிக்கு அந்நாட்டு உள்துறை செயலாளர் சஜித் ஜாவித், சுகாதார செயலாளர் மட் ஹன்கொக், முன்னாள் வெளிநாட்டு செயலாளர் போரிஸ் ஜோன் ஸன், முன்னாள் பாராளுமன்ற பிரதிநிதிகள் சபைத் தலைவர் அனட்றியா லீட்ஸம், முன் னாள் வேலை மற்றும் ஓய்வூதிய செயலாளர் எஸ்தர் மக்வி, முன்னாள் பிறிக்ஸிட் செய லாளர் டொமினிக் ராப், வீடமைப்பு அமைச்சர் கிட் மெல்தோஸ் ஆகியோரும் போட்டியிடுகின்றமை குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM