பயங்கரவாத செயற்பாடுகளுடன் தொடர்புடைய சந்தேக நபர்களென இதுவரை 89 பேரை கைதுசெய்துள்ளதாக பொலிஸ் ஊடகப் பேச்சாளர் ருவான் குணசேகர தெரிவித்தார்.

குறித்த 89 பேரும் கடந்த ஏப்ரல் மாதம் 21 ஆம் திகதி உயிர்ப்பு ஞாயிறு தினத்தன்று இடம்பெற்ற தற்கொலைத் தாக்குதல் சம்பவத்துடன் தொடர்பில் சந்தேகத்தின்பேரில் கைதுசெய்யப்பட்டவர்கள் என பொலிஸ் பேச்சாளர் மேலும் தெரிவித்தார்.

இதேவேளை, இவ்வாறு கைதுசெய்யப்பட்ட 89 பேரில் 69 பேர் குற்றத்தடுப்பு பிரிவினரின் பொறுப்பிலும் 20 பேர் பயங்கரவாத தடுப்புப் பிரிவினரின் பொறுப்பிலும் தடுத்து  வைக்கப்பட்டு அவர்கள் மீது விசாரணைகள் இடம்பெற்று வருவதாக பொலிஸ் பேச்சாளர் மேலும் தெரிவித்தார்.