தவறவிடாதீர்கள்..!உடனே பதிவு செய்யுங்கள்

(செ.தேன்மொழி)

முல்லேரியா பிரதேசத்தில் வீசா இன்றி தங்கியிருந்த சிறுவர் ஒருவர் உள்ளிட்ட மூன்று பங்களாதேஷ் பிரஜைகள் கைது செய்யப்பட்டுள்ளனர் .

முல்லேரியா பொலிஸ் பிரிவிற்குட்பட்ட கெலனிமுல்ல பகுதியில் நேற்று பொலிஸாருக்கு கிடைக்கப்பெற்ற தகவலுக்கமைய மேற்கொள்ளப்பட்ட சுற்றிவளைப்பின் போதே குறித்த பங்களாதேஷ் பிரஜைகள் கைது செய்யப்பட்டுள்ளனர்.

சந்தேக நபர்கள் 28 மற்றும் 38  வயதுகளையுடையர்கள் என்பதுடன், இவர்களுடன் 12 வயதுடைய சிறுவர் ஒருவரும் உள்ளடங்குவதாக பொலிஸார் தெரிவித்தனர்.

இவர்கள் இன்று ஞாயிற்றுக்கிழமை புதுக்கடை இல.07 நீதவான் நீதிமன்றத்தில் முன்னிலைப் படுத்தப்பட்டுள்ளதுடன், மேலதிக விசாரணைகளையும் மேற்கொண்டு வருகின்றனர்.