ராஜஸ்தான் அணிக்கு எதிரான போட்டியில் டெல்லி அணி 5 விக்கெட்டுக்களினால் வெற்றிபெற்றுள்ளது.

12 ஆவது ஐ.பி.எல். தொடரின் 53 ஆவது லீக் ஆட்டம் ராஜஸ்தான் ரோயல்ஸ் மற்றும் டெல்லி கெப்பிட்டல்ஸ் அணிகளுக்கிடையே இன்று மாலை 4.00 மணிக்கு டெல்லியில் ஆரம்பமானது.

இப் போட்டியில் நாணய சுழற்சியில் வெற்றிபெற்ற ராஜஸ்தான் அணி முதலில் துடுப்பெடுத்தாடி நிர்ணயிக்ககப்பட்ட 20 ஓவர்களின் முடிவில் 9 விக்கெட்டுக்களை இழந்து 115 ஓட்டங்களை மாத்திரம் பெற்றது.

அந்த அணி சார்பில் ரியான் பராக் மாத்திரம் 50 ஓட்டங்களை எடுத்ததுடன் ஏனைய வீரர்கள் சொப்ப ஓட்டங்களுக்குள் ஆட்டமிழந்தனர்.

பந்து வீச்சில் டெல்லி அணி சார்பில் இஷான் சர்மா மற்றும் அமித் மிஷ்ரா தலா 3 விக்கெட்டுக்களையும், டிரென்ட் பொல்ட் 2 விக்கெட்டினையும் வீழ்த்தினர்.

116 என்ற வெற்றியிலக்கை நோக்கி துடுப்பெடுத்தாட ஆரம்பித்த டெல்லி அணி 16.1 ஓவர்களில் 5 விக்கெட்டுக்களை இழந்து 121 ஓட்டங்களை எடுத்து, ராஜஸ்தான் அணி நிர்ணயித்த வெற்றியிலக்கை கடந்தது.

டெல்லி அணி சார்பில் பிரித்வி ஷா 8 ஓட்டத்துடனும், தவான் 16 ஓட்டத்துடனும், ஸ்ரேஸ் அய்யர் 15 ஓட்டத்துடனும், கொலின் இங்ரம் 12 ஓட்டத்துடனும், ஷெர்பேன் ரதர்ஃபோர்ட் 11 ஓட்டத்துடனும் ஆட்டமிழந்ததுடன் ரிஷாத் பந்த் 53 ஓட்டத்துடனும், அக்ஸர் படேல் ஒரு ஓட்டத்துடனும் ஆட்டமிழக்காதிருந்தனர்.

பந்து வீச்சில் ராஜஸ்தான் அணி சார்பில் இஷ் சோதி 3 விக்கெட்டுக்களையும், ஸ்ரேயஸ் கோபால் 2 விக்கெட்டினையும் வீழ்த்தினர்.

நன்றி : ஐ.பி.எல்.இணையத்தளம்