தவறவிடாதீர்கள்..!உடனே பதிவு செய்யுங்கள்

யாழ் மிருசுவில் பகுதியில் குளவி கொட்டியதில் குடும்பஸ்தர் ஒருவர் உயிரிழந்துள்ளதுடன்,இருவர் படுகாயமடைந்துள்ளனர்.

யாழ் மிருசுவில் பகுதியில் நேற்றைய தினம் இடம்பெற்ற இச் சம்பவத்தில் அதே இடத்தை சேர்ந்த நான்கு பிள்ளைகளின் தந்தையான   68 வயதுடைய நபரே உயிரிழந்தவராவர்.  

அவரது மனைவி ,மனைவியின் சகோதரி ஆகிய இருவரும் குளவிகொட்டுக்கு இலக்கான நிலையில் யாழ்.போதனா வைத்திய சாலையில் சிகிச்சை பெற்று வருகின்றனர். 

அவர்களின் வீட்டு வேலியில் இராட்சத குளவி கூடு காணப்பட்டதாகவும் அவை காற்று வீசியமையால் களைந்து வீட்டில் இருந்தவர்களை கொட்டியதாக தெரிவிக்கப்படுகின்றது. 

குளவி கொட்டுக்கு இலக்காகிய மூவரும் அவல குரல் எழுப்பிய போது அயலவர்கள் காவோலைகள் , தென்னோலைகளில் தீ மூட்டி சென்று குளவி கொட்டுக்கு இலக்கானவர்கள் அங்கிருந்து மீட்டு கொடிகாமம் வைத்தியசாலையில் அனுமதித்தனர். 

அங்கிருந்து மூவரும் மேலதிக சிகிச்சைக்க யாழ் போதனா வைத்தியசாலைக்கு மாற்றப்பட்டதோடு,குளவி கொட்டுக்கு இலக்கான நபர் சிகிச்சை பலனின்றி உயிரிழந்தமை குறிப்பிடத்தக்கது.