மழை வேண்டி ஓணானுக்கும் தவளைக்கும் திருமணம்..!

By Daya

30 Apr, 2019 | 02:17 PM
image

நல்ல மழைபெய்து விவசாயம் செழிக்கவேண்டி, திருவண்ணாமலை அருகே ஓணானுக்கும் தவளைக்கும் திருமணம் செய்து பொதுமக்கள் நூதன முறையில் வழிபாடு செய்துள்ளனர். 

திருவண்ணாமலை மாவட்டத்தில் தற்போது கடுமையான வறட்சி நிலவுகிறது. குளம், ஏரி போன்ற நீர்நிலைகள் வறண்டுபோய் காணப்படுவதுடன், நிலத்தடி நீர்மட்டமும் அதல பாதாளத்திற்கு சென்றுவிட்டது. வறட்சியை சமாளிக்க முடியாமல் பொதுமக்கள் திண்டாடி வருவதுடன், குடிநீர் கேட்டு ஆங்காங்கே மறியல் போராட்டங்களிலும் ஈடுபட்டு வருகின்றனர்.

இந்நிலையில், பெரணமல்லூர் அடுத்த திருமணி கிராம மக்கள், நல்ல மழைபெய்து விவசாயம் செழிக்கவேண்டி கிராமத்தில் உள்ள பொன்னியம்மனுக்கு களி மற்றும் கருவாட்டு குழம்பு வைத்து படையலிட்டு, ஓணான் மற்றும் தவளைக்கு திருமணம் செய்து வைத்தனர். தொடர்ந்து, ஒப்பாரி வைத்து வழிபாடு நடத்தினர்.

இந்த நூதன வழிபாடு குறித்து அப்பகுதி மக்கள் தெரிவிக்கையில்,

“இந்த மாவட்டத்தில் மழை பெய்து இரண்டு ஆண்டுகளுக்கு மேல் ஆகிவிட்டதால் கடுமையான குடிநீர் தட்டுப்பாடு நிலவி வருகிறது. விவசாயத்திற்கும் போதிய தண்ணீர் இல்லாமல் விளைந்த பயிர்கள் காய்ந்து போனதால், அவைகளை கால்நடைகளுக்கு தீவனமாக பயன்படுத்தி வருகிறோம்.

கடந்த 5 ஆண்டுகளுக்கு முன்பு, மழை வேண்டியும் விவசாயம் செழிக்கவும் இங்கு ஏரியில் உள்ள பொன்னியம்மன் கோயிலில் அம்மனுக்கு கருவாட்டு குழம்பு, களி செய்து படையலிட்டு ஓணானுக்கும் தவளைக்கும் திருமணம் நடத்தி ஒப்பாரி வைத்து வழிபட்டோம். இதையடுத்து நல்ல மழை பெய்தது. தற்போது, மாவட்டத்தில் கடும் வறட்சி நிலவுவதால் இந்த ஆண்டும் மழை பெய்ய வேண்டி இந்த வழிபாடு நடத்தினோம். இன்னும் ஓரிரு நாளில் நல்ல மழை பெய்யும் என்ற நம்பிக்கை எங்களுக்கு உள்ளது” என்று தெரிவித்துள்ளனர். 

முக்கிய செய்திகள்

icon-left
icon-right

தொடர்பான செய்திகள்

news-image

அவுஸ்திரேலிய கடற்கரையில் நிர்வாணமாக திரண்ட கூட்டம்...

2022-11-27 15:57:42
news-image

140 ஆண்டுகளுக்குப் பிறகு கண்டறியப்பட்ட பறவை...

2022-11-28 09:09:26
news-image

உல்லாசக் கப்பலிலிருந்து கடலில் வீழ்ந்த இளைஞர்...

2022-11-26 19:50:58
news-image

வரலாற்றில் இன்று - மிரபால் சகோதரிகள்...

2022-11-25 13:00:05
news-image

195 கிலோ கஞ்சாவை எலிகள் தின்றுவிட்டதாக...

2022-11-24 18:27:49
news-image

 உலகின் வயதான பூனை : கின்னஸ்...

2022-11-24 17:31:12
news-image

30 கிலோ எடையுள்ள கோல்ட்பிஷ் மீன்...

2022-11-22 11:35:44
news-image

7,800,000 ஆண்டுகளுக்கு முன்பே உணவை சமைத்து...

2022-11-21 12:05:08
news-image

சக்கரக்கதிரையின் சக்கரங்களில் ஒளித்து போதைப்பொருளை கடத்த...

2022-11-17 16:05:32
news-image

உலகின் 800 ஆவது கோடி குழந்தை...

2022-11-17 12:54:03
news-image

ஸ்டீவ் ஜொப்ஸின் பழைய பாதணி 8...

2022-11-16 11:34:57
news-image

மிக நீளமான மூக்கு கொண்ட மனிதர்

2022-11-15 17:44:46