கொல்கொத்தா ஈடன் கார்டன் மைதானத்தில் இடம்பெற்ற போட்டியில் விராட் கோலியின் சதம் கைகொடுக்க, கொல்கொத்தா நைட்ரைடர்ஸ் அணியை அதன் சொந்த மைதானத்தில் 10 ஓட்டங்களால் வீழ்த்தி பெங்களூர் அணி வெற்றிபெற்றது.
இதேவேளை, கொல்கொத்தா அணியின் நிதிஷ், ரானா, ரசல் ஆகியோரின் அதிரடி வீணானது.
ஐ.பி.எல். 12 ஆவது தொடரின் 35 ஆவது போட்டியில் தனது சொந்த ஊரில் வைத்து கொல்கொத்தா நைட் ரைடர்ஸ் பெங்களூர் ரோயல் சலஞ்சர்ஸை எதிர்கொண்டது.
இரு அணிகளுக்குமிடையிலான போட்டி நேற்றிரவு 8 மணிக்கு கொல்கொத்தாவின் ஈடன் கார்டன் மைதானத்தில் இடம்பெற்றது.
இப் போட்டியில் நாணயச்சுழற்சியில் வெற்றிபெற்ற கொல்கொத்தா அணி பந்துவீச்சை தெரிவு செய்தது.
பெங்களூர் அணியின் ஆரம்பதுடுப்பாட்டடி வீரர்களாக பார்தீவ் பட்டேல், விராட் கோலி ஆகியோர் களமிறங்கினர். பார்தீவ் பட்டேல் 11 ஓட்டங்களுடனும் அக்ஷ்தீப் நாத் 13 ஓட்டங்களுடனும் ஆட்டமிழந்து வெளியேறினர்.
விராட் கோலியுடன் ஜோடி சேர்ந்த மொயீன் அலி அதிரடி ஆட்டத்தை வெளிப்படுத்தினார். மொயீன் அலி 28 பந்தில் 5 பவுண்டரி, 6 சிக்சருடன் 66 ஓட்டங்களுடன் எடுத்து ஆட்டமிழந்தார்.
முதலில் நிதானமாக ஆடிய விராட் கோலி அரைசதம் கடந்ததும் அதிரடியில் இறங்கினார். கடைசி கட்டத்தில் சிக்சர், பவுண்டரியுமாக விளாசினார். விராட் கோலி 56 பந்தில் 4 சிச்கர், 9 பவுண்டரியுடன் சதமடித்து 100 சதமடித்து வெளியேறினார்.
இறுதியில், பெங்களூர் அணி நிர்ணயிக்கப்பட்ட 20 ஓவரில் 4 விக்கெட் இழப்பிற்கு 213 ஓட்டங்களைக் குவித்தது.
இதையடுத்து, 214 ஓட்டங்கள் எடுத்தால் வெற்றி என்ற இலக்குடன் கொல்கத்தா அணி களமிறங்கியது. கிறிஸ் லின், சுனில் நரேன் ஆரம்ப ஆட்டக்காரர்களாக இறங்கினர்.
கிறிஸ் லின் ஒரு ஓட்டத்துடன் ஆட்டமிழந்தார். சுனில் நரேன் 18 ஓட்டங்களுடனும் ஷுப்மான் கில், ரொபின் உத்தப்பா ஆகியோர் 9 ஓட்டங்களுடனும் ஆட்டமிழந்து வெளியேறினர்.
நிதிஷ் ரானாவுடன் ஆண்ட்ரு ரசல் ஜோடி சேர்ந்தார். இந்த ஜோடி பெங்களூர் அணியின் பந்து வீச்சை வெளுத்து வாங்கியது. சிக்சர் மழையாக பொழிந்தது.
நிதிஷ் ரானா சிறப்பாக ஆடி அரை சதமடித்தார். ஆண்ட்ரு ரசல் அதிரடியாக ஆடி அரை சதமடித்தார். அவர் 25 பந்தில் 65 ஓட்டங்களை குவித்து ஆட்டமிழந்தார். நிதிஷ் ரானா 46 பந்தில் 85 ஓட்டங்களுடன் ஆட்டமிழக்காதிருந்தார்.
இறுதியில் கொல்கொத்தா அணி 20 ஓவர் முடிவில் 5 விக்கெட் இழப்புக்கு 203 ஓட்டங்களைப் பெற்று 10 ஓட்டங்கள் வித்தியாசத்தில் தோல்வியைத் தழுவியது.
இப் போட்டியின் ஆட்ட நாயகனாக பெங்களூர் அணியின் விராட் கோலி தெரிவுசெய்யப்பட்டார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM