ஜனாதிபதி மைத்திரிபால சிறிசேன திருப்பதி ஏழுமலையானை இன்று காலை தரிசனம் செய்துள்ளார்.

திருப்பதி ஏழுமலையானை தரிசனம் செய்வதற்காக இரண்டு நாள் சுற்றுப்பயணமாக ஜனாதிபதி மைத்திரிபால சிறிசேன நேற்று சிறப்பு விமானம் மூலம் ரேணிகுண்டா விமான நிலையம் சென்றடைந்துள்ளார்.

அங்கிருந்து கார் மூலம் வீதி மார்க்கமாக திருமலைக்கு நேற்றைய தினம் சென்ற ஜனாதிபதியை திருமலை திருப்பதி தேவஸ்தான தலைமை செயல் அலுவலர் அணில் குமார் சின்கால், இணை செயல் அலுவலர் சீனிவாச ராஜு ஆகியோர்  வரவேற்றனர்.

இதையடுத்து நேற்றைய தினம் பத்மாவதி விருந்தினர் மாளிகையில் தங்கியிந்த  ஜனாதிபதி மற்றும் குடும்பத்தினர்  இன்றையதினம் அதிகாலை சுப்ரபாத சேவையில் கலந்துகொண்டு சுவாமி தரிசனம் செய்துள்ளமை குறிப்பிடத்தக்கது.