தவறவிடாதீர்கள்..!உடனே பதிவு செய்யுங்கள்

உலகில் அதிகம் பேர் தொலைக்­காட்சி வாயி­லாக ரசிக்கும் விளை­யாட்­டாக கால்­பந்து, டென்னிஸ் போட்­டி­க­ளுக்கு அடுத்­த­தாக கிரிக்கெட் தான் உள்ளது. அமெ­ரிக்கா, சீனா, ரஷ்யா போன்ற பெரிய நாடுகள் இன்னும் கிரிக்­கெட்டில் பெரிய அளவில் கால்­ப­திக்­க­வில்லை. ஆனால் உலகில் அதிக மக்கள் கிரிக்கெட் போட்­டி­களை ரசிக்­கின்­றனர் என்­கி­றது புள்­ளி­வி­வ­ரங்கள். ஏனெனில் கிரிக்கெட் உடல் மற்றும் மன­உ­றுதி ஆகிய இரண்­டையும் சோதிக்கும் அற்­புத விளை­யாட்டு. எதிர்­பார்க்­கவே முடி­யாத பல ஆச்­சரி­யங்கள் கிரிக்­கெட்டில் நிகழும்.

பிராட்மன், சச்சின், முர­ளி­தரன், ஷேன் வோர்ன், லாரா, கலிஸ், சங்­கக்­கார, சேவாக், டி வில்­லியர்ஸ் என பல ஜாம்­ப­வான்கள் கோலோச்­சிய விளை­யாட்டு இது. தனது நாட்டை தாண்டி மற்ற நாட்டு வீரர்­க­ளையும் ரசிக்கும், ஆரா­திக்கும், கொண்டாடும் மனநிலை கொண்­ட­வர்கள் கிரிக்கெட் ரசி­கர்கள். ஆஸி.வீரர் பிலிப் ஹியூக்ஸ் மறைந்­த­போது ஒட்டு மொத்த கிரிக்கெட் உல­கமும் கண்ணீர் வடித்­தது. இதேவேளை பிலிப் ஹியூக்ஸ் உயிரிழந்து இன்றுடன் ஒருவருடம் நிறைவடைகின்றது.   இந்நிலையில் அவரை நினைவு கூறும் வகையில் பகலிரவு போட்டி இன்று நடத்தப்படுகின்றது.

தனது 25 வயதில் உயிரிழந்த பிலிப் ஹியூக்ஸ் 26 டெஸ்ட், 25 ஒருநாள் போட்டி மற்றும் ஒரேயொரு 20 ஓவர் போட்டியில் விளையாடியுள்ளமை குறிப்பிடத்தக்கது.
ஆரம்­பத்தில் டெஸ்ட் கிரிக்கெட், பின்னர் 60 ஓவர்கள் கொண்ட ஒருநாள் போட்டி,அதன் பின்னர் 50 ஓவர்கள் கொண்ட ஒருநாள் போட்டி, பின்னர் இரு­ப­துக்கு -20 கிரிக்கெட் போட்டி என பல வடி­வங்­களில் கிரிக்கெட் மாறி வந்­தி­ருக்­கி­றது.

தற்­போது நவீன டிஜிட்டல் யுகத்தில் புதிய மாற்­றங்­க­ளுடன் தன்னை மேலும் மாற்­றிக்­கொண்டு புதிய வடி­வத்தில் முத்­தாய்ப்பாய் வந்­தி­ருப்­பது தான் "பக­லி­ரவு டெஸ்ட் போட்­டிகள்".

138 வருட கிரிக்கெட் வர­லாற்றில் முதன்­மு­றை­யாக சர்­வ­தேச அள­வி­லான டெஸ்ட் போட்டி பக­லி­ரவு ஆட்­ட­மாக நடக்­க­வுள்­ளது. அவுஸ்­தி­ரே­லியா, - நியூ­ஸி­லாந்து அணி­க­ளுக்­கி­டை­யே­யான இந்த டெஸ்ட் போட்டி அவுஸ்­தி­ரே­லிய நாட்டில் உள்ள அடி­லெய்ட் மைதா­னத்தில் இன்று ஆரம்­ப­மா­கின்­றது.

பொது­வாக கிரிக்­கெட்டில் சிவப்பு மற்றும் வெள்ளை நிற பந்­துகள் தான் பயன்­ப­டுத்­தப்­படும். ஆனால் இந்த பக­லி­ரவு டெஸ்ட் போட்­டியில் பிங்க் நிற பந்­துகள் பயன்­ப­டுத்­தப்­ப­ட­வுள்­ளன. கொக்­க­புரா நிறு­வனம் இதற்­கென பிரத்தி­யே­க­மாக பந்­து­களை தயா­ரித்­துள்­ளது. பிங்க் நிற பந்­துகள் குறித்து ஆத­ரவும் எதிர்ப்பும் என பல சர்ச்­சைகள் சுற்­றி­யுள்­ளன.

டெஸ்ட் போட்­டி­களை பொறுத்­த­வ­ரையில் அதன் சிறப்­பம்­சமே துடுப்­பாட்டம், பந்­து­வீச்சு இரண்­டுக்கும் சம­வாய்ப்பு இருக்கும். பக­லி­ரவு போட்­டி­களை பொறுத்­த­வ­ரையில் இரவு நேரத்தில் பனிப்­பொ­ழிவு இருந்தால் அதி­ர­டி­யாக விளை­யாடும் துடுப்­பாட்ட வீரர்­க­ளுக்கு மகிழ்ச்­சிதான். பொது­வாக காலை நேரத்தில் முதல் ஒரு மணி­நேரம் மைதானம் பந்­து­வீச்­சுக்கு ஓர­ளவு சாத­க­மாக இருக்கும். ஆனால் இப்­போட்டி மதி­யத்­துக்கு மேல்தான் தொடங்கும் என்­பதால் மைதா­னத்தில் வெயில் பட்டால், பிட்ச் கடி­ன­மா­கி­விடும். இந்­நி­லையில் துடுப்­பாட்டம் சிறிது எளி­தாக இருக்கும் என எதிர்­பார்க்­கலாம்.

இப்­போது டெஸ்ட் போட்­டி­களை பார்க்க வரும் கூட்டம் மிகவும் குறை­வாக உள்­ளது. பக­லி­ரவு போட்­டி­க­ளாக நடக்­கும்­போது மாலை நேரத்தில் நிறைய பார்­வை­யா­ளர்கள் வரு­வார்கள் என்­பதால் டிக்கெட் விற்­பனை அமோ­க­மாக இருக்கும் என எதிர்­பார்க்­கப்­ப­டு­கி­றது.

இந்த டெஸ்ட் போட்டி வெற்றிகரமாக நடைபெற்றால் படிப்படியாக எல்லா நாடுகளிலும் பகலிரவு டெஸ்ட் போட்டி நடைமுறைக்கு வரும். ஆக ஆஸி. -– நியூஸி. இடையேயான இந்த போட்டி உற்சாகமான டெஸ்ட் போட்டியாக, ரசிகர்களுக்கு விருந்தாக அமையும் என்பதில் சந்தேகமில்லை.

தெரியுமா உங்களுக்கு?

* 138 ஆண்டு கால டெஸ்ட் கிரிக்கெட் வரலாற்றில், பகல்–இரவாக நடத்தப்படும் முதல் டெஸ்ட் இது தான். 

*1877–ம் ஆண்டு மார்ச் மாதம் மெல்போர்னில் முதல்முறையாக அதிகாரபூர்வமான டெஸ்ட் கிரிக்கெட் போட்டி அரங்கேறியது. அதில் அவுஸ்திரேலியா 45 ஓட்டங்கள் வித்தியாசத்தில் இங்கிலாந்தை தோற்கடித்தது. இதன் பிறகு டெஸ்ட் போட்டியின் நூற்றாண்டு கால கொண்டாட்டமாக 1977–ம் ஆண்டு அதே மார்ச்சில், அதே மெல்போர்ன் மைதானத்தில் அவுஸ்திரேலியாவும், இங்கிலாந்தும் சந்தித்தன. இதிலும் அவுஸ்திரேலியா 45 ஓட்டங்கள் வித்தியாசத்தில் வெற்றி பெற்றது வியப்புக்குரிய உண்மையாகும்.

*மொத்தம் 10 அணிகள் டெஸ்ட் கிரிக்கெட்டில் விளையாடுகின்றன. இதுவரை 2,791 வீரர்கள் டெஸ்டில் பங்கேற்று இருக்கிறார்கள்.

*முதல் டெஸ்ட் வெற்றியை பெற அதிக போட்டிகளை எடுத்துக் கொண்ட அணி நியூசிலாந்து (42 டெஸ்ட்).

*இதுவரை 2,189 டெஸ்ட் போட்டிகள் (நாக்பூர் டெஸ்டையும் சேர்த்து) நடந்துள்ளன. அதிகபட்சமாக இங்கிலாந்து 965 டெஸ்ட் விளையாடி இருக்கிறது. இந்தியாவின் எண்ணிக்கை 494.

நீண்ட....நாள்....டெஸ்ட்....

ஆரம்ப காலத்தில் டெஸ்ட் கிரிக்கெட்டில், இத்தனை நாட்கள் தான் போட்டி என்று வரையறை எதுவும் கிடையாது. காலவரையின்றி தொடர்ந்து நடைபெறும். வெற்றி அல்லது சமநிலை ஆகும் போது போட்டி நிறைவுக்கு வரும்.

இந்த வகையில் நீண்ட நாட்கள் நடந்த டெஸ்ட் எது தெரியுமா? 1939–ம் ஆண்டு டர்பனில் இங்கிலாந்து–தென்னாபிரிக்கா மோதிய போட்டி தான் அத்தகைய பெருமைக்குரியது. 
இந்த டெஸ்ட் மார்ச் 3 ஆம் திகதி தொடங்கி 14 ஆம் திகதி வரை நீடித்தது. இடையில் இரண்டு நாள் ஓய்வு. ஒரு நாள் மழையால் நடக்கவில்லை. 
எஞ்சிய 9 நாட்கள் போட்டி நடந்தும் முடிவு கிடைக்காதது தான் ஆச்சரியமானதாகும். இதில் 696 ஓட்டங்கள் வெற்றி இலக்கை நோக்கி 2–வது இன்னிங்சை விளையாடிய இங்கிலாந்து அணி 5 விக்கெட்டுக்கு 654 ஓட்டங்களை; எடுத்திருந்த போது, தேனீர் இடைவேளைக்கு பிறகு பலத்த மழை கொட்டியது. 
இங்கிலாந்தின் வெற்றிக்கு மேற்கொண்டு 42 ஓட்டங்களே தேவைப்பட்டன. இதனால் மறுநாள் போட்டி தொடரும் என்று எதிர்பார்க்கப்பட்ட நிலையில், இரு அணி அணித் தலைவர்களும் இந்த டெஸ்டை சமநிலையில் முடிக்க ஒப்புக்கொண்டதாக அறிவித்தனர். 
ஏனெனில் அன்றைய தினம் இரவு 8.05 மணிக்கு இங்கிலாந்து அணி டர்பனில் இருந்து ரெயிலில் கேப்டவுனுக்கு சென்று அங்கிருந்து கடல்பயணமாக படகு மூலம் தாயகம் திரும்ப ஏற்பாடு செய்யப்பட்டிருந்தது. 
அந்த திகதிக்குரிய இங்கிலாந்தின் படகு போக்குவரத்தை தள்ளிவைக்க முடியாத நிலைமை இருந்ததால், வேறு வழியின்றி இந்த டெஸ்டை சமநிலை செய்ய நேரிட்டது.