முன்னணி நிதித்துறை சஞ்சிகை கொமர்ஷல் வங்கியை 17ஆவது தடவையாகவும் இலங்கையின் தலைசிறந்த வங்கியாகத் தெரிவு செய்துள்ளது. இதன் மூலம் இலங்கையின் வங்கித் துறையில் தனது தலைமைத்துவத்தை வங்கி மீண்டும் உறுதி செய்துள்ளது.
ஆபிரிக்கா, ஆசியா பசுபிக், மத்திய மற்றும் கிழக்கு ஐரோப்பா, லத்தீன் அமெரிக்கா மற்றும் மத்திய கிழக்கு ஆகிய பிராந்தியங்களைச் சேர்ந்த உலகின் முன்னணி வங்கிகளோடு சேர்த்து வளர்ச்சி கண்டு வரும் 25 வங்கிகளின் பட்டியலை தற்போது வெளியிட்டுள்ளது.
சொத்துக்களின் வளர்ச்சி, இலாபத்தன்மை, மூலோபாய உறவுகள், வாடிக்கையாளர் சேவை, போட்டி விலையிடல், புத்தாக்க உற்பத்திகள் என்பனவற்றை உள்ளடக்கியே இந்தத் தெரிவு இடம்பெற்றுள்ளது. இவற்றுக்கு மேலதிகமாக இந்தத் தெரிவின் நம்பகத்தன்மை மற்றும் துல்லியம் என்பனவற்றை மேலும் அதிகரிக்கும் வகையில் குளோபல் பினான்ஸ் கூட்டாண்மை வாடிக்கையாளர் மத்தியிலான வாக்கெடுப்பும் நடத்தப்பட்டுள்ளது.
குளோபல் பினான்ஸ் தற்போது நடத்தி முடித்துள்ள இந்த மதிப்பீட்டின் விரிவான விவரங்கள் 2016 மே மாதத்தில் வெளியடப்படவுள்ளன. 2016 அக்டோபர் 8ஆம் திகதி வாஷிங்டனில் உள்ள நெஷனல் பிரஸ் கிளப்பில் இடம்பெறவுள்ள உலக வங்கி ஃ சர்வதேச நாணய நிதியம் என்பனவற்றின் வருடாந்த பொதுக் கூட்டத்தில் விருது வழங்கும் விழா இடம்பெறும்.
கொமர்ஷல் வங்கியோடு சேர்ந்து இவ்வாண்டு ஆசிய பசுபிக் பிராந்தியத்தில் ICIBC (சீனா), ஸ்டேட் பேங்க் ஒப் இந்தியா(இந்தியா), பேங்க் ரக்கியாத் (இந்தோனேஷியா), ஸ்ட்டேண்டர்ட் சார்டட் (பாகிஸ்தான்) மேய்பேங்க் (மலேஷியா), CTIBC பேங்க் (தாய்வான்), KEB ஹனா பேங்க் (தென் கொரியா), ஷியாம் கொமர்ஷல் பேங்க் (தாய்லாந்து) மற்றும் சிற்றி பேங்க் (பங்களாதேஷ்) என்பன தெரிவு செய்யப்பட்டுள்ளன.
