தவறவிடாதீர்கள்..!உடனே பதிவு செய்யுங்கள்

இந்தியா நாட்டின் 70ஆவது குடியரசு தினம் இன்று  கொண்டாடப்படுகிறது. 

இதனை முன்னிட்டு டெல்லி ராஜபாதையில் ஜனாதிபதி ராம்நாத் கோவிந்த் கொடியேற்றயுள்ளார். இந்நிகழ்ச்சியில் தென்னாப்பிரிக்க அதிபர் சிரில் ராமபோசா சிறப்பு விருந்தினராக கலந்து கொண்டுள்ளார். 

இந்நிகழ்ச்சிக்கு முன் வருகை தந்த பிரதமர் மோடி போர் வீரர்கள் நினைவிடத்தில் (அமர் ஜவான் ஜோதி) அஞ்சலி செலுத்தியமை குறிப்பிடத்தக்கது. 

இதன்போது சென்னை மெரினா கடற்கரை சாலையில் குடியரசு தின விழா கொண்டாட்டத்தை முன்னிட்டு ஆளுநர் பன்வாரிலால் புரோகித் தேசியக்கொடியை ஏற்றி வைத்து, பல்வேறு படைப்பிரிவினரின் அணிவகுப்பு மரியாதையை ஏற்றுக்கொண்டார்.

விழாவில் முதலமைச்சர் எடப்பாடி பழனிசாமி, துணை முதல்வர் ஓ.பன்னீர்செல்வம் மற்றும் அமைச்சர்கள்,எம்பிக்கள், அரசு உயர் அதிகாரிகள் மற்றும் ஏராளமான பொதுமக்கள் பங்கேற்றனர். அத்துடன்  சென்னையில் குடியரசு தினவிழாவையொட்டி மெரினா, காமராஜர் சாலை உள்ளிட்ட பகுதிகளில் 5 ஆயிரம் பொலிசார் பாதுகாப்புப் பணிகளில் ஈடுபடுத்தப்பட்டுள்ளனர். 

எனினும் விழா கொண்டாடப்படும் பகுதிகளில் அதிக பொலிஸ் பாதுகாப்பு பலப்படுத்தப்பட்டுள்ளமை குறிப்பிடத்தக்கது.