பெல்­ஜி­யத்தின் பிரஸல்ஸ் நகரில் இஸ்­லாத்­துக்கு எதி­ராக நடத்­தப்­பட்ட ஊர்­வ­ல­மொன்றின் போது அந்­நாட்டு வல­து­சாரி செயற்­பாட்­டா­ளர் ஒருவர், முஸ்லிம் பெண்­ணொ­ரு­வரை சனிக்­கி­ழமை காரால் மோதிச் சென்ற சம்­பவம் பெரும் பர­ப­ரப்பை ஏற்­ப­டுத்­தி­யுள்­ளது.

மேற்­படி சம்­பவம் தொடர்­பான அதிர்ச்­சி­யூட்டும் காணொளிக் காட்­சிகள் இணை­யத்­த­ளங்­களில் வெளி­யி­டப்­பட்­டுள்­ளன.

பிரஸல்ஸ் நக­ரி­லுள்ள விமான நிலையம் மற்றும் புகை­யி­ரத நிலையம் என்­ப­வற்றின் மீது கடந்த மார்ச் மாதம் 22 ஆம் திகதி ஐ.எஸ். தீவி­ர­வா­தி­களால் நடத்­தப்­பட்ட தாக்­கு­தல்­க­ளை­ய­டுத்து அந்­நாட்டில் முஸ்­லிம்­க­ளுக்கு எதி­ரான எண்ணப் போக்­குகள் அதி­க­ரித்­துள்­ள­தாக தெரி­விக்­கப்­ப­டு­கி­றது.

இந்­நி­லையில் சனிக்­கி­ழமை இஸ்­லாத்­துக்கு எதி­ராக அந்­நாட்டு வல­து­சாரி செயற்­பாட்­டா­ளர்­களால் பிரஸல்ஸ் நகரில் அந்­நாட்டின் ஜிஹா­தி­களின் தலை­நகர் என அழைக்­கப்­படும் மொலன்பீக் எனும் இடத்­துக்கு அண்­மையில் நடத்­தப்­பட்ட ஊர்­வ­லத்தின் போதே மேற்­படி சம்­பவம் இடம்­பெற்­றுள்­ளது.

இந்த இஸ்­லா­மிய எதிர்ப்பு ஊர்­வ­லங்­களை நடத்த அந்­நாட்டு அர­சாங்கம் தடை விதித்­தி­ருந்த நிலையில் அந்தத் தடை­யையும் மீறி நூற்­றுக்­க­ணக்­கான ஆர்ப்­பாட்­டக்­கா­ரர்கள் மத்­திய பிரஸல்ஸ் சதுக்­கத்தில் கூடி ஆர்ப்­பாட்­டத்தை முன்­னெ­டுக்க முயற்­சித்­தனர்.

இதன்­போது பொலிஸார் ஆர்ப்­பாட்­டக்­கா­ரர்­களைக் கலைக்க கண்ணீர் புகை மற்றும் தண்ணீர் பிர­யோ­கத்தை மேற்­கொண்­ட­துடன் 100 பேருக்கும் அதி­க­மா­னோரை கைது­செய்­தனர். அவர்­களில் அநேகர் உட­ன­டி­யாக விடு­தலை செய்­யப்­பட்ட நிலையில் இருவர் மட்­டுமே தொடர்ந்து தடுத்து வைக்­கப்­பட்­டனர்.

இந்­நி­லையில் மேற்­படி ஆர்ப்­பாட்­டத்தில் ஈடு­பட்ட செயற்­பாட்­டாளர் ஒருவர் தனது காரால் தெருவில் சென்ற முஸ்லிம் பெண்­ணொ­ரு­வரை மோதிச் சென்று படு­கா­யப்­ப­டுத்­தி­யது மட்­டு­மல்­லாமல், சிறிது தூரத்­திற்கு அப்பால் காரை நிறுத்தி அந்தப் பெண் காய­ம­டைந்து தெருவில் விழுந்து கிடக்கும் காட்­சியை தனது கைய­டக்கத் தொலை­பேசி மூலம் புகைப்­ப­ட­மெ­டுத்­துள் ளார்.

இதனைய­டுத்து சம்பவ இடத்துக்கு வந்த பொலி ஸார் அந்த வலதுசாரி செயற்பாட்டாளரைக் கைது செய்துள்ளனர். அவரால் காரால் மோதப்பட்ட பெண் படுகாயமடைந்திருந்த போதும், மருத்துவமனைக்கு கொண்டு செல்லப்பட்ட வேளை சுய நினைவுடன் இருந்ததாக தெரிவிக்கப்படுகிறது.