தவறவிடாதீர்கள்..!உடனே பதிவு செய்யுங்கள்

ஹல்துமுள்ளை பொலிஸ் பிரிவுக்குட்பட்ட பகுதியில் சட்டவிரோதமாக மரக்குற்றிகளை ஏற்றிச்  செல்ல முற்பட்ட ஒருவரை மரக்குற்றிகளுடன் கைதுசெய்துள்ளதாக ஹல்துமுள்ளை பொலிஸார் தெரிவித்துள்ளனர்.

ஹல்துமுள்ளை பிரதேச செயலாளர் இந்திக்க ஜயசிங்கவுக்கு கிடைக்கப்பெற்ற தகவலொன்றினையடுத்து பிரதேச செயலாளர், ஹல்துமுள்ளை பொலிசாருடன் இணைந்து மேற்கொள்ளப்பட்ட சுற்றிவளைப்பின் போதே லொறியென்றில் அடுக்கி வைக்கப்பட்ட மரக்குற்றிகளையும், லொறியையும் பொலிஸார் கைப்பற்றியதுடன், லொறியின் சாரதியையும் கைதுசெய்துள்ளனர்.

கைது செய்யப்பட்ட நபரிடம் வாகனத்திற்கான அனுமதிப்பத்திரமும் இல்லாததுடன் மரக்குற்றிகளை ஏற்றிச் செல்வதற்கும் அனுமதிப்பத்திரம் பெற்றிருக்கவில்லை என்பதும் ஆரம்ப கட்ட விசாரணையின் மூலம் தெரியவந்துள்ளது.

இது குறித்து, ஹல்துமுள்ளை பொலிஸ் நிலையப் பொறுப்பதிகாரி பிரசன்ன த சில்வா தலைமையிலான குழுவினர் மேலதிக விசாரணைகளை மேற்கொண்டு வருகின்றனர்.